Chapter 106 - The Undying Society

Sa labas ng gate ng La Fernandia University, napahinto sa paglalakad ang ilang estudyante dahil sa sunod-sunod na pagparada ng mga motorsiklo sa tapat ng campus. Kalakip ng mga sticker ng bungo ng taong nakadikit sa mga motor ng mga ito ay pareparehas ding nakasuot ang mga ito ng maluluwag na itim na damit at may disenyo rin na bungo. Parang mga naka-uniporme ang mga ito kung titingnan.

"Hindi ba't mga miyembro sila ng Undying Society?" may pagkamanghang sambit ng isang estudyante. Sa parehong pagkakataon ay kinakabahan din ito.

"What are they doing here in our school?" takang tanong naman ng isa pa.

"Kilala niyo ba 'yong isang estudyante sa BSBM class? I heard miyembro daw iyon ng Undying Society."

"Really? Kung gano'n ay baka nandito sila dahil sa kanya."

"Tabi." malamig na sambit ng malaking mama sa mga estudyanteng nakaharang sa daanan. Balbasarado ito at may malaking pahabang peklat sa pisngi. Melchor ang pangalan nito, ang lider ng gang.

"Nandito na sila!" nagagalak na sigaw ni