Chapter 111 - Luke's Childhood Friend

"Sinubukan ko na siyang kontakin at tawagan nang ilang beses. Pero hindi siya sumasagot." Tiningnan ni Theodore si Luke nang may pagkabahala. "Narinig ko mula sa kanya na... may gusto rin daw kayo kay Kina, Mr. Cruise. Hindi ko sinasabing naniniwala ako, pero—"

"Totoo iyon. Totoong may gusto nga ako kay Kina." putol ni Luke sa sinasabi ni Theodore. Nagitla naman si Theodore sa sinabing iyon ni Luke.

Totoo nga bang iyon din ang dahilan kung bakit ipinahinto nito ang kasal nina Lance at Kina?

"Pero hindi ibig sabihin n'on ay iyon ang naging rason ko kung bakit kita inutusang ikansela ang magiging kasal nila kung iyon ang iniisip mo at ni Lance." agad na sambit ni Luke nang mapansin ang pagtataka sa mukha ni Theodore. "Si Kina lang ang inaalala ko." dagdag pa niya.

Nagpakawala ng buntong hininga si Theodore. Para siyang nabunutan ng tinik sa dibdib. Kahit papaano ay malinaw sa kanya na ang motibo lang talaga ni Luke ay dahil sa inaalala nito ang pakiramdam ni Kina ukol sa sapilitang kasa