Chapter 64 - Moving On

Kotse iyon ni Joey. Bumaba ito at ubod ang ngiting lumapit kay Luke pero nawala rin agad iyon nang mapagtanto ang malungkot na mukha ni Luke.

"Mr. Cruise, I came here to pick you up. Pasensya na kung pinaghintay ko kayo."

Nginitian lang ito ni Luke. Pilit na itinatago ang kanyang emosyon. "Ayos lang. Kakalabas ko lang rin naman para maghintay ng taxi."

Hindi inaasahan ni Luke na susunduin siya ni Joey kaya napakamot nalang siya sa kanyang ulo. Paniguradong pagtitinginan sila ng mga estudyante roon.

Tinulungan siya nitong mailagay ang mga gamit niya sa loob ng sasakyan. Lahat ng estudyanteng nasa may entrance ng gate ay napanganga dahil sa kanilang nasasaksihan.

"W-why Mr. Joey Alanis is here? A-at bakit niya tinutulungan si Luke?" gulat na tanong ng isa sa nakikiusisa. Pare-parehas na iyon ang katanungan nila sa kanilang isip.

Pinagmasdan nila kung paano magalang na kausapin ni Joey si Luke at kung paano isakay nito ang mga gamit ni Luke sa kotse. Maging ang pagbukas ng pinto ni Joey