Chapter 60 - Truth About Forced Marriage

Tulad ng iniutos ni Luke ay dinala ng mga tauhan ni Malcov si Theodore sa isang maliit na kubo upang masinsinan niya itong makausap. Nananatiling tahimik si Theodore na magpahanggang ngayon ay tulala pa rin.

"Mr. Velasquez," pagtawag ni Luke rito. Saka lang ito nagbalik sa realidad.

"M-Mr. Cruise..." Agad na nagkaroon ng sigla ang mata ni Theodore nang makita si Luke. "Mr. Cruise patawarin mo ako sa mga nagawa ko sa'yo kagabi. Alam kong naniniwala kang nagawa ko lang lahat ng iyon dahil sa kagustuhan ni Richard."

Pinagmasdan lang ni Luke si Theodore na may blangkong ekspresyon sa mukha. Hindi ba't ginawa niya iyon sa kagustuhang mas mapalapit sa pamilya Gregory?

"Nauunawaan ko." sambit ni Luke. "Pero hindi ba't sinubukan ko nang pakiusapan si Malcov kagabi?"

Laglag ang balikat na napatitig lang si Theodore kay Luke. Nararamdaman niyang nagsisinungaling lang si Luke. Napakagalang nina Malcov dito kaya kahit itago man ni Luke ang katotohanan ay kayang-kaya nito silang pasunurin. Isang u