Chapter 163 - Win By Default

Sa pagbagsak ng bola sa semento at pagtalbog-talbog niyon, kasabay niyon ang pagkatumba ni Zeo. Napuruhan ito ni Luke!

Ilang saglit natahimik ang kabuuan ng stadium. Lahat ay titig na titig lang sa nakahandusay na katawan ni Zeo. Unang rumesponde rito ay si Luke.

"Zeo! Zeo! Ayos ka lang?"

Tinapik-tapik niya pa ang mukha nito. Marahan namang dumilat si Zeo kaya nakahinga nang maluwag si Luke. Napaupo siya sa semento, ganoon din si Zeo.

Saka lang muling umingay ang stadium. Lahat ay tuwang-tuwang nakapuntos sina Luke matapos ang matinding palitang iyon. Sa parehong pagkakataon ay nagagalak silang makitang muling bumangon si Zeo. Muling matutuloy ang nakakasabik na larong iyon.

Samantala si Oliver ay titig na titig lang sa kanilang dalawa habang may gulat na reaksyon sa mukha nito. Magkakilala pala si Luke at Zeo?

"Nice game," nakangiting bati ni Zeo kay Luke. Hindi nila pinansin ang mga dumalong tao sa kanilang paligid.

Napakunot lang ang noo ni Luke. Hindi pa tapos ang laro nila ah, na