Chapter 164 - Taking Kina

Napabuntong hininga nalang si Luke habang pinagmamasdan ang papalayong si Oliver. Wala siyang pakialam kung tumupad man ito o hindi sa kanilang usapan. Hindi rin naman banta si Oliver sa kanya sa umpisa palang.

Dinumog sila ng mga estudyante, halos pare-parehas lang ang bukambibig ng mga ito. Gusto nilang makipagkilala kay Luke at makipag-selfie.

Hindi niya pinansin ang mga ito sa halip ay hinanap niya sina Kina. Nakita niya ang mga ito sa may ibabang hilera ng upuan at nakatungtong ang mga ito roon. Isiniksik niya ang kanyang sarili sa mga estudyante habang tinatanggihan ang mga ito.

"Look who's here, the star of the show," pumapalakpak na salubong ni Alona nang makalapit siya sa mga ito. Nginitian lang ito ni Luke bago tumingin kay Kina.

Nang puntong magtagpo ang kanilang tingin ay parehas nilang hindi iyon inalis kaagad na para bang nag-uusap sila sa pamamagitan niyon. Mahahalata ang ilang katanungan sa mata ni Kina samantalang mga kasagutan naman ang hatid ng titig ni Luke.

Si Luk