"I-ikaw ang presidente ng ENDX Corporation?"Hindi nawala ang ngiti sa labi ni Luke habang pinagmamasdan ang inosenteng mukha ni Kina. Kahit saang anggulo niya pagmasdan ang mukha nito ay napakaperpekto lang niyon tingnan. Kahit pa nasa gulat itong reaksyon ngayon.Marahan siyang tumango. "May gusto akong ipakita sa'yo kaya kita isinama.""Hmm... okay." tugon lang ni Kina.Tumikhim si Carlos upang agawin ang atensyon ni Luke. "Uhm... Mr. Cruise, gusto n'yo ba ng maiinom?"Tumingin muna si Luke kay Kina upang tanungin ito kung anong gusto nito."T-tubig lang.""Tubig lang din sa'kin." dugtong ni Luke at umalis si Carlos, naiwan silang dalawa roon.Makalipas ng ilang saglit, dalawang guwardya ang pumasok doon. Napakunot parehas ang noo ng mga ito nang makita sila."SG Cruise. Himala, nabuhay ka ata?" bungad na saad ng isa."'Wag mo sabihing naparito ka upang magresign? Hindi mo ba kaagad nagustuhan ang trabaho mo?" ani naman ng isa pa habang nakataas ang isang kilay, nagtataka kung baki
Nagtungo sina Luke sa ikaapat na palapag. Sa pangunguna ni Pauline ay diretso silang nagtungo sa kinaroonan ng pulang sports car."Are you sure, Mr. Cruise? Siguradong pagkakaguluhan ng mga tao kapag iginala mo ang sasakyang ito."Binigyan ni Luke ng tipid na ngiti si Pauline saka bumaling kay Kina. "Ayos lang. Gusto ko ring masubukan ang kotseng ito habang kasama ko ang babaeng espesyal sa'kin."Hindi malaman ni Kina kung anong dapat niyang maging reaksyon nang puntong iyon. Dapat ba siyang matuwa? Kiligin? Nakatitig lang siya nang husto kay Luke.Kabaliktaran naman ang naging reaksyon ni Pauline. Kanina nang marinig niyang sinabi mismo ni Kina na girlfriend ito ni Luke ay nakaramdam siya ng selos. Ngayong si Luke na mismo ang nagsabi na espesyal si Kina para dito ay mas tumindi pa iyon.Pero sino nga ba siya upang magselos? Isa lang naman siyang Executive Manager ng kanilang kumpanya kaya wala siyang karapatang mag-isip ng kung anu-ano patungkol sa kanilang presidente. Kung may noby
Laman ng balita ngayon ang tungkol sa sikat na limited edition na modelo ng ENDX Cars hindi lang sa Pilipinas kung hindi maging na sa buong mundo. Mapa radyo man o telebisyon, kahit social media ay iyon ang mainit na usapin. Mas mainit pa iyon kumpara sa kumalat na litrato noon.May iba't-ibang kuha ng anggulo ng litrato at video sa kulay pulang sports car sa iba't-ibang highway. Lahat iyon ay naka-post sa social media ng mga taong maswerteng nadaanan nina Luke.Panay scroll lang si Kina sa kanyang cellphone, iyon lang ang halos ang nakikita niya. Meron pang isang nakasakay ng bus at ni-record pa nito ang kanilang kotse habang umaandar iyon. Meron din namang nakatayo lang habang mismong nakatutok iyon sa kanila noong minsang huminto ang kotse dahil sa trapik.Izinoom ni Kina ang isang litrato at sinubukan kung makikilala ba sila sa pamamagitan niyon pero tanging kadiliman lang ang makikita sa salamin ng kotse. Iyon ang kanina pa nitong ipinagtataka dahil mula sa loob ay napakalinaw ng
Mula sa kanilang kinatatayuan ay maririnig ang lagaslas ng tubig. Hindi iyon kalakasan pero malinaw para kay Kina na mayroong talon sa likuran ng bahay. Dali-dali itong nagtungo roon, sinundan lang ito ni Luke.Mas lalo pang namangha si Kina sa gandang meron doon. Sa dulo ng malaking batis ay ang hindi kataasang talon. Higit na mas marami ang puno roon, pero hindi masukal na parang alagang-alaga ang lugar upang panatilihin ang kagandahan niyon.Naupo si Kina sa bato sa likuran nila at ubod lang ang ngiting nakatingin sa talon. Kinuha nito ang cellphone nito at kinunan iyon ng litrato."Gagawin ko itong wallpaper ko," saad nito.Naupo si Luke sa tabi nito at tumingin rin sa talon. Naalala niya ang isa niyang pagsasanay kung saan ay kailangan niyang tumagal ng mahigit anim na oras sa ilalim ng talon na iyon habang walang suot na damit pang-itaas. Tumitig siya sa mga bato sa ilalim niyon. Parang nakikita niya pa ang imahe ng kanyang sarili habang nagsasanay ng martial arts habang nakatun
Bahagya pang inilayo ni Kina ang cellphone sa kanyang tainga dahil sa pagsigaw ni Caroline. Hindi man iyon naka-loud speaker ay mahinang narinig iyon ni Luke.Napatingin si Kina kay Luke. Anong kanyang gagawin? Mahigit tatlong oras ang ginugol nila upang makapunta rito at paniguradong baka higit pa ang gugugulin nila pabalik dahil higit na matrapik sa ganitong oras. Ayaw rin niyang ipaalam sa kanyang ina na nandito siya ngayon sa isang tagong hardin kasama ang kanya na ngayong nobyo. Hindi magandang ideya iyon at siguradong hindi magiging maganda ang resulta niyon.Hindi pa man nakakapagdesisyon si Kina ay muli nitong narinig ang sigaw ni Caroline. "I need you to be here in less than an hour. Nagkakaintindihan ba tayo?"Wala nang nagawa si Kina upang makatanggi. "S-sige po, Ma."Pagkatapos ibaba ang cellphone ay tumingin ito kay Luke nang may pag-aalala. "Anong gagawin ko? Gusto ni mama na pumunta ako mansyon ngayon."Napabuntong hininga si Luke. Kahit hindi na niya itanong ay batid n
Mahigit dalawamput minuto lang ang ginugol, nakabalik na agad sila sa ENDX Corporation. Hindi pa nga iyon ang pinakamatulin niyong andar. Lumapag ang kotse sa tuktok ng gusali. Parehas silang bumaba nang tumatawa dahil sa kakaibang hatid na galak ng naging byahe nila. "This is the craziest thing that has happened in my entire life," sambit ni Kina habang pilit inaayos ang nagugulo nitong buhok dahil sa hangin. Lumapit si Luke rito upang tulungan ito. Sinuklay niya ang malambot na buhok nito gamit ang kanyang kamay. "May oras pa tayo. Bakit hindi muna tayo dumaan sa restaurant ng tito mo?" Tumaas ang kilay ni Kina sabay marahang tumango-tango. Pagkababa nila sa ikaunang palapag ay nadatnan nilang saktong papaalis si Carlos. Kakatapos lang ng shift nito. Magalang silang binati nito pero sa likod niyon ay ang pagtataka. "Mr. Cruise? Kailan pa kayo bumalik?" usisa nito. Nagtataka ito dahil hindi naman nito napansin ang pagpasok nila maging ang kotse ni Luke. "Kakabalik lang namin.
"Hello, nice meeting you. I'm Lauren Dela Vega," nakangiting bati at pagpapakilala ni Lauren kay Kina. "I'm the owner of this restaurant."Matamis na nginitian ito pabalik ni Kina. "Hi, my name is Kina Alanis." Malugod nitong tinanggap ang alok na pakikipagkamay ni Lauren."Nabanggit ka na ni Manager Joey sa'kin. I'm so happy to finally meet you in person. You really are beautiful! You're like a goddess. No wonder why everyone in the upperclass is talking about you right now.""T-thanks," nahihiyang tugon ni Kina.Napapakunot nalang ang noo ni Luke sa kung paano kausapin ni Lauren si Kina. Batid niyang may kakaiba roon. Hindi naman ganito makipag-usap ang Lauren na nakilala niya."Since ito ang unang araw na nagkita tayo, I'm happy to say na libre ko na muna ang lahat ng ito. Lalo pa't tingin ko ay hindi n'yo kakayanin ang lahat ng ito mabayaran."Napakurap-kurap parehas ang mata ni Joey at Kina dahil sa sinabing iyon ni Lauren. Bahagya pang napaawang ang bibig ni Joey.'Anong ibig sa
Saglit na tumigil si Luke sa pagkain pagkatapos ay nakangiting tiningnan si Kina. Palihim niyang dinampot ang kamay nito sa ilalim ng mesa at malambing iyong hinawakan."Gano'n ba? So... he is like your bodyguard boyfriend?"Kumpletong nawala ang saya sa mukha ni Luke nang marinig ang sinabi ni Lauren. Seryoso niya itong tiningnan."Sinagot mo lang ba siya dahil sa proteksyon na ipinapakita niya? But there are lots of—""Tingin ko ay hindi magandang pag-usapan ang tungkol sa relasyong meron kami, Ms. Lauren. Hindi ba't kasal ka na?" putol ni Luke sa pagsasalita ni Lauren.Sinabayan ni Lauren ang seryosong tingin ni Luke kaya napahigpit ang hawak ni Kina sa kanyang kamay. Iniisip na hindi dapat iyon ginawa ni Luke. Samantalang si Joey ay may pag-aalalang nagpalipat-lipat ang tingin sa dalawa."Ms. Lauren, what Mr. Cruise said is right. Hindi po yata magandang ideya na usisain mo ang tungkol sa relasyong meron sila. You can ask my niece about anything else, but not about their relations