Chapter 4: Hurt

"Surprise," sagot ni Vanessa, isang ngiti niya ng sabihin kay Zack. Tila may subtext ang kanyang sinabi—parang may mga bagay na naglalaro sa isip niya na hindi niya sinasabi nang direkta. Tumingin siyang muli kay Amy, na parang nagtataka kung bakit naroon parin ang babae.

Sa ilalim ng kanyang propesyonal pakikitungo, nagulat si Amy sa damdaming tumama sa kanya isang halo ng discomfort at sakit. Alam niyang wala siyang karapatang magselos, ngunit hindi niya maipaliwanag ang kirot na naramdaman niya sa kanyang puso. Sa mga saglit na iyon, parang mas tumindi ang bigat ng lihim na dala niya, ang lihim tungkol sa batang dinadala niya.

"Amy, you can go now. Alexandra will discuss your role further tomorrow," sabi ni Zack, pilit na inaayos ang sitwasyon. Kitang-kita sa kanya ang tensyon, ngunit pilit niyang binabalik sa kontrol ang sitwasyon.

Tumango si Amy, marahang ngumiti, ngunit sa loob-loob niya, ramdam ang gulo ng damdamin. Habang papalabas siya ng opisina, narinig niya ang mababang boses ni Vanessa, parang tinatanggalan siya ng lugar sa mundo ni Zack. "I didn’t know you needed a new secretary," sabi ni Vanessa, halatang may ibig sabihin sa bawat salita.

Habang naglalakad si Amy palayo, alam niyang hindi ito ang magiging katapusan. Sa kanyang isipan, malinaw na ang pagbabalik ni Vanessa ay magdadala ng higit pang komplikasyon, at ang lihim na dala niya ay patuloy na magiging banta sa bawat hakbang na gagawin niya.

'Hanggang kailan ko mapapanatili ang lihim na ito?' tanong niya sa sarili, hinawakan naman ni Amy ang tyan niya.

Habang naglalakad siya pauwi, nagbalik sa kanyang isipan ang mga pangyayari sa kanyang buhay. Una, Ang pagbalak na pag benta ng kanyang tiyuhin sa kanya.

Pangalawa, ang pagbubuntis niya na hindi inaasahan. Bagamat puno ng alalahanin, hindi niya maikakaila ang saya na dulot ng bagong buhay na ito na nabubuhay sa kanyang sinapupunan.

At ang panghuli, ang damdaming hindi niya alam kong hanggang kilan mag tatagal . Sa kabila ng naganap na one-night stand, hindi niya alam na unti-unti siyang nahuhulog kay Zack. Walang kaalaman si Amy na ang isang gabi lamang na iyon ay magdadala sa kanya ng mas malalim na damdamin.

Pagkatapos ng kanilang hindi inaasahang pagkikita sa opisina ni Zack, tahimik na umuwi si Amy, dala ang bigat ng mga pangyayari sa araw na iyon. Habang iniisip ang mga bagay na hindi niya maipaliwanag—ang kanyang damdamin para kay Zack, ang batang nasa kanyang sinapupunan, at ang tila napakalaking pagitan sa kanila ngayon—alam niyang kailangang maging matatag siya para sa anak at sasarili niya.

Sa kabilang banda, si Zack ay hindi rin mapakali. Habang nakaupo siya sa kanyang opisina, patuloy na bumabalik sa kanyang isipan ang imahe ni Amy—ang kanyang mga mata,at ang hindi inaasahang pagkikita nila. Alam niyang may nangyayari, ngunit hindi niya masabi kung ano iyon. Hindi rin niya maitanggi sa sarili na si Amy ang patuloy na gumugulo sa kanyang isipan, sa kabila ng pagbalik ni Vanessa, ang babaeng kasama niya sa maraming taon.

Sa gabi, nakahiga si Amy sa kanyang kama, hawak ang isang maliit na kwintas na minana mula sa kanyang ina. Isang simpleng alahas na may nakaukit na salitang "Hope," Para kay Amy, ang kwintas na ito ay simbolo ng mga pangmamahal ng ina niya sa kanya.

Habang hinahaplos niya ang kanyang tiyan, hindi mapigilan ni Amy ang luha.

"Baby, hindi ko alam kung anong mangyayari sa atin," mahinang bulong niya, nararamdaman ang bigat ng mga responsibilidad. Ngunit sa kabila ng lahat, alam niya ang isang bagay—handa niyang gawin ang lahat para sa kanyang anak. Desidido siyang magkaroon ng magandang buhay, hindi lamang para sa kanya kundi para sa bata. At kahit anong hirap ng sitwasyon, nais niyang lumaban.

Samantala, si Zack ay hindi mapakali sa kanyang condo. Nakatingin siya sa labas ng bintana, ang mga ilaw ng lungsod ay parang mga bituing kumikislap sa kalayuan. Hindi niya maikakaila ang kanyang nararamdaman para kay Amy. Pero ang tanong na laging bumabalik sa kanya: "Bakit siya?" Bakit tila ba hindi niya kayang alisin sa isip niya ang simpleng babae na iyon? May nobya siya, may buhay siyang nakaayos na. Pero bakit tila ba may kulang?

Kinabukasan, si Amy ay muling nagbalik sa opisina ni Zack, mas handa na ngayon na harapin ang trabaho at ang kanyang magiging boss. Sa kanilang panibagong pagkikita, mas kontrolado na nila ang kanilang emosyon, ngunit hindi pa rin maitatanggi ang tensyon sa pagitan nila.

"Miss Quizon, I’m expecting nothing but professionalism between us from now on," seryosong sabi ni Zack, pilit na tinatago ang kanyang mga nararamdaman.

"Yes, sir. I understand," sagot ni Amy, ngunit sa loob-loob niya ay hindi siya sigurado kung kaya niyang iwasan ang kanyang nararamdaman para kay Zack.

Sa mga sumunod na araw, habang nagtatrabaho si Amy bilang secretary ni Zack, unti-unti niyang natutunan ang mga sistema ng kumpanya kahit papaano ay na gamit ang kursong kinuha niya sa college.

Sa kabila ng tensyon sa pagitan nila ni Zack, napatunayan ni Amy na siya ay maaasahan at mahusay sa kanyang trabaho. Ipinakita niya na kaya niyang magtagumpay sa kabila ng mga personal na emosyon.

Sa isang pagkakataon, nagkaroon ng isang malaking proyekto sa kumpanya. Kinailangan ni Zack at Amy na magtulungan upang masigurado ang tagumpay ng deal. Sa mga gabing magkasama sila, nagtatrabaho, hindi maiwasang magsalubong ang kanilang mga tingin, at sa bawat saglit na iyon, parang may sinasabing hindi mabigkas ng kanilang mga labi.

Isang gabi, habang nagpapahinga sila matapos ang mahabang araw ng trabaho, nagpasya si Zack na kausapin si Amy nang mas personal. "Amy, we need to talk," simula niya, puno ng pag-aalinlangan ang kanyang boses.

"About what, sir?" tanong ni Amy, pilit na iniiwas ang usapan mula sa kanilang personal na damdamin.

"About us," sagot ni Zack. "About what happened to us,"

Napatigil si Amy, ramdam ang bilis ng tibok ng kanyang puso. Hindi siya sigurado kung paano sasagutin si Zack. Alam niyang may nararamdaman siya para dito, ngunit ang dami ng komplikasyon sa kanilang sitwasyon—ang kanyang anak, si Vanessa, at ang kanilang nakaraan—ay parang mga pader na humaharang sa kanila.

Ngunit bago pa man niya masagot si Zack, dumating ang tawag mula sa ospital. Si Quen, ang kapatid ni Zack, ay biglang tinawagan si Amy. "Amy, kailangan mong pumunta dito. May kailangan kang malaman," seryosong sabi ni Quen.

Ang pagtawag na iyon ang tila magtutulak kay Amy sa isang direksyon na hindi niya inaasahan.