Chapter 7

Tama ba ang narinig ko? Negative ang result?

Hindi ko alam kung ano ang nangyayari, pero nang magsalita si Kuya, tila naitindihan ko kung bakit. 

“See, Dad. Hindi si Artus ang ama ng dinadala ni Ashley. Hindi na natin siya pwedeng ipilit—”

“But it doesn’t mean na ligtas siya sa pagpapakilala sa lalaking iyon sa atin. We need to meet him. Umuwi na tayo.”

Naunang umalis si Daddy, sumunod naman si Tita Cynthia at si Kuya. Habang si Stefanie ay pinipilit si Artus na umalis na rin pero si Artus, nakatingin sa akin nang masama. 

Alam kong galit siya. Pero wala na akong pakialam sa galit niya ngayon, ang mahalaga sa akin nagawan na ng paraan ni Kuya. May kapangyarihan pa rin ang pamilya ko para kontrolin ang ganoong sitwasyon. 

“Why do you think that Artus is the father? Assumera ka talaga—”

“Stefanie, umalis ka muna. I need to talk to her,” biglang putol ni Artus sa kanya. 

“Pero Artus, niloko ka ng babaeng ito. Sinira niya ang kasal natin!” sigaw ni Stefanie. 

Hindi ko sinira ang kasal nila! Alam niyang si Artus mismo ang nagdesisyon no’n. 

“Leave bago pa ako magalit sa’yo.”

Pagkasabi ni Artus no’n, wala na siyang magawa. Umalis na siya at naiwan kaming dalawa. Bigla akong kinabahan, ang kaninang malakas na kaba ay mas lalong lumakas ngayon.

“What did you do?” he asked. 

Sa tanong niyang iyon, para bang siguradong-sigurado siya na may ginawa akong mali. Bakit ba pinipilit niya na siya ang ama ng batang ito?

“I know I am the father, Ashley. That night…you were a virgin…kaya paanong naging iba ang ama.”

Napalunok ako. Ganoon ba talaga nila nalalaman kapag first time ng isang babae. Pero kahit na kinakabahan, tinignan ko siya nang matapang. 

“Stop doing this, Artus. Ikakasal ka na kay Stefanie, hindi ko alam kung bakit mo ito pinipilit. You are not that father, kita mo naman ang DNA Result, hindi ba?”

Ngumisi siya. “It can be fake. At sa oras na nalaman ko na niloko mo ako, pati ang gumawa nito ay hindi makakaligtas—”

“Ano ba? Tumigil ka na!” sigaw ko sa kanya, hindi ko na napigilan ang sarili kong magalit. Gusto ko lang na itigil niya na ang kahibangon na ito dahil nakakapagod. “Ituloy mo ang kasal kay Stefanie—”

“Wala kang karapatan utusan ako. Hindi ako titigil hangga’t hindi ko napapatunayan ang totoo na ako ang ama ng dinadala mo. Tandaan mo ito, Ms. Echavez, I can control everything…and this fucking fake DNA Result? I can make it right.”

Dahan-dahan siyang lumapit sa akin habang nagsasalita. Mas lalo akong hindi makahinga dahil sa kanya. Agad kong kinuha ang lakas ko para itulak siya palayo sa akin. “Again, hindi ikaw ang ama,” giit ko sa kanya at tuluyan na siyang iniwan. 

Hindi ko kayang manatili sa iisang lugar kasama siya. 

Ang tanga ko naman kasi! Bakit ko ba kasi ginawa iyon? 

Sumakay ako sa kotse ni Kuya pauwi, pero imbis na sumama sa bahay namin, nagpa diretso ako sa condo namin ng bestfriend ko. Hindi niya pa alam ang tungkol dito, at kapag hindi ko pa rin inilabas ang lahat ng ito sa kanya, baka sasabog na ako nang tuloyan. 

“Sigurado ka bang ayos ka lang dito?” tanong ni Kuya nang makarating kami sa baba ng builing. 

Tumango ako sa kanya. “Yes, Kuya. Thank you for doing this….alam kong malaking desisyon ang ginawa mong pagtago sa sitwasyon ko.”

Oo, malaking desisyon iyon. Pero alam ko na iyon din ang naisip niyang paraan para maging maayos ang sitwasyon ng pamilya namin. Kahit na mas pinagkakatiwalaan pa rin ni Daddy si Kuya at si Stefanie na stepsister ko lang. At ngayon na buntis ako, tiyak ang tingin sa akin ni daddy ay isang pariwarang anak. 

“Ashley, hindi ko mapapangako na magtatagal ang lihim na ito. Kilala ko si Artus, gagawa iyon ng sarili niyang paraan para ma-satisfy niya ang sarili niya. At sa reaction niya kanina, alam kong hindi siya naniwala na totoo ang DNA Result…ginawa ko ito alang-alang sa kapakanan mo at ni Stefanie. Ayaw kong magalit siya lalo sa’yo at isipin ng mga tao na inagawa mo ang para sa kanya,” paliwanag niya. 

Tumango ako. Tama rin naman talaga ang ginawa niya. Kahihiyan lang ang aabutin ng pamilya kapag ang lumabas sa result ay positive. Pero tama rin si Kuya, hindi nga naniwala si Artus kaya hindi ko na rin alam ang gagawin ko pagkatapos ng araw na ito. 

***

Nang makarating ako sa condo, bumungad sa akin ang kaibigan kong si Danica na may kahalikang lalaki! 

“Ashley! Anong ginagawa mo rito?” sigaw niya, agad niyang tinulak ang lalaki. 

Pumasok ako nang tuloyan. “Hindi ba, condo ko rin ito?” sarcastic kong tanong. 

Tumingin muna siya sa lalaki, binigay ang mga damit nito. “I will call you later, okay? Alis ka muna, nandito ang kaibigan ko. Bye!” Minamadali niyang pinaalis ang lalaki. 

Kahit nagdalawang isip ang lalaki, umalis na lang siya. Napailing ako sa kakulitan niya. “Sino na naman iyon?” tanong ko sa kanya sabay lagay sa dala kong bag. 

“Another fling, pero wala iyon. Bukas, mawawala na rin iyon. Ikaw, bakit ka nga nandito? Akala ko ba mananatili ka muna sa bahay ninyo hanggang ikasal ang step-sister mong pinaglihi sa palaka?”

Natawa ako sa sinabi niya. “Hindi, ayaw ko muna roon.”

Pagkasabi ko no’n, bigla niya akong hinila paupo. “Huh? Anong nangyari?” 

Tinignan ko muna siya at ilang segundo, kinwento ko na sa kanya lahat.

“Oh my f*ck*ng…shit Ashley! Hindi ka na virgin? Finally!” 

Nagulat ako sa sinabi niya kaya hinampas ko ang kamay niya. “Talaga ba? Sa dami kong sinabing importanteng bagay, iyon talaga ang una mong napansin?” 

“No, hindi naman sa ganoon pero masaya lang ako dahil hindi ka na nga tuyot. Pero ang worst lang ay buntis ka agad…at ang pinaka worst pa, bakit naman sa fiance ng bruha mong step-sister?”

“Hindi ko rin alam kung bakit ganito kagago ang tadhana sa akin, Danica. Hindi ko alam ang gagawin ko. Kailangan ko pang maghanap ng lalaki para magpanggap na maging tatay…at si Artus, hindi siya naniwala na hindi siya ang ama. Hindi ko na talaga alam.”

Ginulo ko ang buhok ko. Mas pinoproblema ko pa ang paghahanap ng tatay ng anak ko kaysa buhayin siya! 

“Artus Villegas.” Tumingin ako kay Danica nang banggitin niya ang buong pangalan ni Artus, nakatingin ito siya phone niya. “Hinanap ko siya sa internet, he is a multi-billionaire man. And yes, mukhang tama si Kuya Jacob, hindi yata hahayaan ng lalaking ito ang nangyari…I think, gagawa siya ng paraan para mapatunayan na anak niya ang dinadala mo.”

Damn it!

“Eh anong gagawin ko ngayon? Aalis na lang ba ako sa bansa at doon ko bubuhayin ang bata? Ano sa tingin mo? Please, help me…” Pagmamakaawa ko sa kanya. 

Hinawakan niya naman ang kamay ko uoang pakalmahin. “Huwag ka munang mag-isip ng kung ano-ano, baka ma-stress ka. Bawal iyon. Ngayon, maghanap muna tayo ng lalaki para magpanggap at iharap sa pamilya mo,” paliwanag niya. 

She’s right. Pero saan naman kami makakahanap na papayag ng ganoon? Diyos ko!

“But on the contrary. Bakit ganoon si Artus? Hindi kaya na love at first sight siya noong nag-s*x kayong dalawa?”

“Danica! Ano ba naman iyang bunganga mo! Imposible, okay?” Nakakainis naman ang babaeng ito, huwag daw akong mag-isip ng kung ano-ano pero binibiggyan niya naman ako ng iisipin.

At saka, sobrang imposible na mangyari iyon. Siguro may sapi lang ang lalaking iyon. 

Mas pinoproblema ko pa rin kung paano ko itatago ang anak ko sa kanya.