Kabanata 81: Plan to kill her

Kinabukasan ay maagang nagising si Joy, alas singko pa lang ng umaga ay bumangon na siya sa kama, gusto kasi niyang maglakad-lakad muna sa labas dahil pakiramdam niya ay lalo lang nananakit ang buong katawan niya sa maghapong paghiga niya sa loob ng bahay at saka gusto din niyang magpa-araw, nakita kasi niya sa internet na maganda ang sinag ng pang umagang araw sa mga buntis. Hindi na siya nagpa-alam pa sa mga kasama niya sa bahay dahil alam niyang tulog pa ang mga ito.

Dinala niya ang cellphone at headset na ibinigay sa kaniya ni Simone, gusto kasi niyang makinig ng music habang naglalakad-lakad, kaagad niyang isinalpak sa tainga niya ang headset at nagpatugtog ng Christian song. Nilakasan pa niya ang volume ng cellphone niya dahil napakaganda ng music, isa pa ay gusto niyang mag relax muna pansamantala at kalimutan ang nobyo niyang si Ricks. Buong magdamag na naman kasi niyang iniyakan ang lalaki dahil naikwento niya kay Emelia ang tungkol dito. Napapikit pa siya paglabas niya ng ba