Kabanata 80: Just friends

Joy's POV

Tatlong araw na mula nang magpa-alam si Simone sa kaniya na kailangan muna nitong lumuwas ng Maynila para asikasuhin ang trabaho nito at tatlong araw na ding hindi makapag-isip ng maayos si Joy, naroon siya sa kwarto habang nakahiga at nag-iisip.

Nahihiya na siya sa lalaki, napakadami na nitong ginawa para sa kaniya. Kinuhaan pa siya nito ng katulong para may makasama siya sa bahay at masiguro nitong magiging ligtas at maayos ang lagay niya bago siya nito iniwan, dinaig pa nito ang concern na asawa. Sandaling natigilan si Joy sa huling naisip. Inalala niya kung paano siya asikasuhin at alagaan ni Simone, damang-dama niya ang concern nito sa kaniya.

Naisip niya kung ganito din ba ito sa ibang babae o sa kaniya lang dahil noon namang magkasama pa sila sa trabaho nito sa Mall ay napakasungit nito sa ibang babae at walang pinapansin sa mga iyon, siya lang ang bukod tanging empleyado na naka-close nito.

Ayaw man niyang isipin ay paano pala kung may pagtingin ito sa kaniya kaya