Kabanata 83: I should believed her

Simone's POV

Isang linggo ng nawawala si Joy at hanggang ngayon ay wala pa din siyang balita sa babae.

Tatlong araw pa lang siya sa Maynila noong makatanggap siya ng tawag sa katulong na kinuha niya para kay Joy at sinabi nitong maghapon ng nawawala ang babae kaya naman hindi na siya nagdalawang isip pa na bumalik ng Bataan para hanapin si Joy, hindi na rin niya nagawang sunduin ang mommy niya sa airport kahit na alam niya na magtatampo ito sa kaniya.

Tanging ang kuha lang nito ng CCTV sa tapat ng bahay niya ang huli niyang kita dito, panigurado siya na may kumuha dito dahil kitang-kita niya ang itim na kotse na bigla na lamang sumunod dito paglabas nito ng bahay niya pero hanggang doon lang ang kuha ng CCTV niya kay Joy kaya hindi na niya alam ang mga sumunod na nangyari.

Halos tanungin niya ang lahat ng mga kapit bahay nila kung nakita ba ng mga ito si Joy o may CCTV din ba ang mga ito na puwede niyang tingnan noong araw na bigla na lang itong nawala pero ang sagot ng mga it