Kabanata 86: Surprised

Jade's POV

Naroon sila sa isang auction house sa Makati kasama ang daddy niya at ang asawa niya na si Ricks para muling mabawi ang dating hacienda nila na ibinenta ng kaniyang ama noong namatay ang mommy niya dahil sa sobrang depressed nito.

Kinailangan pa nilang dumalo sa auction na iyon dahil ayaw ng ibenta ulit sa kanila ng tusong may-ari ang hacienda nila noon, ang gusto nito ay idaan sa bidding ang lupa at dahil gustung-gusto ng daddy niya na muling mabawi ang lupa ay kinailangan nilang sumali sa bidding.

Kakaunti lamang ang mga taong naroon sa auction house at halos kasosyo ng daddy niya ang mga negosyanteng naroon kaya naman nakakasiguro si Jade na mababawi ulit nila ang hacienda.

Hanggang sa magsimula na ang bidding at magbigay na ng unang bid price ang bidder, 5 million ang unang presyo na ibinigay nito.

Nagtaas ng kamay si Jade at nagsalita.

"6 million!" sabi niya.

"7 million!" sabi naman ng isang katunggali ng daddy niya sa negosyo.

"8 million!" sabi ulit ni Jade habang na