Nagmamadaling nagtungo si Ricks sa opisina dahil bigla siyang ipatawag ng kanilang manager.
Sa isip niya ay ano kaya ang nagawa niya at kailangan s'yang ipatawag nito? Sa pagkaka-alam niya ay wala naman siyang customer complain ngayong araw at kahit na kailan ay wala pang customer ang nag-complain sa kaniya at sa serbisyo niya pero maya-maya din ay bigla niyang naalala ang babaeng kanina lang ay nangungulit sa kanya.“Posible kayang ito ang nagreklamo sa kanya?” Sa isip niya.Nakatatlong katok muna siya sa pinto bago niya narinig na nagsalita ang manager niya."You may come in." narinig n'yang sabi nito kaya naman kaagad s'yang pumasok sa loob ng opisina.Pagpasok pa lang niya doon ay tinanong agad niya ito."May customer complain po ba sa akin ngayong araw ma'am?" kinakabahang tanong niya dito. Kadalasan kasi ng mga ipinapatawag nito sa opisina ay ang mga crew na may mga customer complain at palpak ang trabaho.Saglit na tinitigan muna siya nito bago ito nagsalita."Wala naman kaya lang ay may isang babaeng customer kanina na nagbayad ng araw mo kaya makakauwi ka na." pabuntong-hiningang sagot nito."And by the way, gusto n'yang i-entertain mo siya nandoon na siya sa labas at hinihintay ka." dagdag pa nito.Biglang napa tiim-bagang si Ricks sa sinabi ng kanyang manager. Sabi na nga ba at may kinalaman ang babaeng nangulit sa kaniya kanina kung kaya’t ipinatawag siya nito sa opisina."Ano pong ibig n'yong sabihin ma'am?" kunot-noong tanong niya dito dahil sa pagkaka-alam niya ay napaka-higpit ng manager niya pagdating sa trabaho at hindi nito pinahihintulutan ang ganoong mga pangyayari."Kilala niya ang may ari ng restaurant na ito at ang gusto niya ay payagan kitang mag half day ngayong araw para samahan mo siya. You may leave now-- ayaw kong mawalan ng trabaho." sa halip ay taboy nito sa kanya kahit ramdam niyang napipilitan lang itong paalisin siya.Hindi lingid kay Ricks ang pagkakaroon ng gusto sa kaniya ng manager niya pero dahil alam nitong may nobya na siya ay normal lamang itong nakikipag-usap sa kaniya kung baga manager at employee lang ang turingan nila.Lalong lumalim ang kunot sa noo niya pagkuwa'y napatiim bagang siya.Napaka-kulit talaga ng babaeng iyon hindi niya akalaing magagawa pa nitong kausapin ang manager niya para lang masunod ang gusto nitong samahan niya ito, napaka-childish! Sa isip niya.Kaya naman kahit labag sa loob niya ay inis na lumabas na siya ng opisina.Mabibigat ang hakbang na nilisan niya ang opisina at dire-diretso s'yang lumabas ng restaurant at sumakay sa motor niya, uuwi na lang siya dahil wala siyang panahong makipaglokohan sa kahit na sinong babae.Pero hindi pa man niya napapaandar ang motor niya ay may humarang na sa daraanan niya at pagtingin niya dito ay ito ang babae kanina.Agad namang nagsalubong ang mga kilay niya pagkakita dito, ayaw niyang maging bastos lalo na sa harap ng mga babae pero ang isang ito ay inuubos ang pasensiya niya."What exactly do you want from me ma'am?" nagtitimping tanong niya dito. Kahit paano naman ay marunong siyang magsalita ng English dahil nakapag-aral naman siya hanggang high school at halos karamihan ng kumakain sa restaurant na pipapasukan niya ay mga foreigner kaya naman naging confident na din siyang magsalita ng English.Naalala niya bigla ang nobya n'yang si Joy. Kapag nalaman nito ang nangyari ngayon ay natitiyak niyang magseselos ito at ayaw na ayaw niyang mangyari iyon."Masyado ka namang formal sa akin, wala na tayo sa loob ng restaurant kaya pwede mo na akong tawagin sa pangalan ko." sabi nito na hindi pinansin ang pagsusuplado niya dito."Hindi ko sinasayang ang oras ko sa mga walang kwentang usapan kaya sabihin mo na kung ano ang pakay mo." prangkang sagot niya dito."Okay, I want you." taas-noong sabi nito habang nakikipagsukatan ng titig sa kanya."Did I make it clear to you ma'am na mayroon na akong girlfriend at magpapakasal na kami?" diretso at walang ligoy na tanong niya dito."I don't care! I just want you and you can't just leave me here, remember bayad ko ang araw mo ngayon." tila hindi nagpapatinag na sagot naman nito.Kaya naman hindi na siya nakapag timpi pa at pinakawalan na niya ang kanina pa ay inis na nararamdaman niya dito. Akala siguro nito ay isa siyang laruan na kung kailan nito gustuhin ay pwede siya nitong laruin."Araw at serbisyo ko lang ang binayaran mo ma'am pero hindi ang buong pagkatao ko at wala akong sinabi sa'yo na bayaran mo ang araw ko sa restaurant na pinapasukan ko lalong wala akong panahon sayo." Tiim-bagang na sabi niya dito dahil lantaran itong nakikipag-flirt sa kaniya at hindi niya gusto ang bagay na iyon.Nakita niya ang pagkawala ng kulay sa mukha nito pero maya-maya din ay napalitan iyon ng galit."You can't just resist me! I'm Jade Isavedra, I like you and I want you! At kahit na anong mangyari ay mapapasa akin ka!" nagpupuyos sa galit na sabi nito.Nagulat naman siya sa sinabi nito. Bibihira lang ang babaeng katulad nito na lantaran at napakataas ng confidence sa sarili at ang mga katulad nitong babae ang pinaka-ayaw niya.Hindi niya akalaing makakakilala siya ng ganitong uri ng babae na gagamitin ang pera makuha lang ang gusto-- sa isip niya ay nababaliw na ito."Pasensya na ma'am pero hindi lahat ng tao ay mabibili mo ng pera, maganda ka at mayaman kaya nasisiguro kong marami kang makikilalang lalaki na kauri mo at magugustuhan ka, salamat na lang sa pagbabayad mo ng araw ko ngayon, ito at ibabalik ko na lang sa iyo." mahabang litanya niya bago siya dumukot ng dalawang libo sa wallet t'saka inabot dito ang pera.Natulala naman ito sa ginawa niya at iyon ang ginawa niyang paraan para makaalis.Pupuntahan na lang niya si Joy sa trabaho nito at doon hihintayin ito tutal ay hindi na siya pwedeng bumalik sa restaurant at bayad na ang araw niya ngayon.Nagpupuyos naman sa galit ang naiwang si Jade. Napakalaking kahihiyan sa kaniya ang pagtanggi ng lalaki dahil ngayon lang niya naranasan ang matanggihan ng ganoon.Halos lahat ng lalaki ay sinasamba siya pero ang isang ito ay tahasan s'yang tinanggihan.Lolo siyang nagngitngit ng maalala ang sinabi nitong ikakasal na ito-- hindi siya makakapayag na hindi ito makuha kahit gamitin pa niya ang kaneksiyon niya sa ama makuha lang ito ay gagawin niya.Nagdadabog siyang sumakay sa kotse niya at pinaharurot iyon. Iniwanan pa niya ang trabaho niya sa sariling opisina, wala naman s'yang napala!Samantalang maagang nakarating si Ricks sa department store ng Mall na pinapasukan ng nobya niyang si Joy. Closing ang duty nito pero hapon pa lang ay naroon na siya at naghihintay dito.Naupo muna siya sa waiting shed na naroon at inilabas ang cellphone para maglaro.Nasa kalagitnaan pa lang siya ng paglalaro nang may mag pop-up na text message sa cellphone niya at unknown number iyon.Pagkabasa niya sa text message ay kaagad na namang nagsalubong ang mga kilay niya."You can't resist me, I will make you mine!"From: Jade.Dali-dali n'yang binura ang text message at binlock ang number nito-- hindi talaga siya tinitigilan ng babae.Ngayon ay namumrublema siya kung paanong iiwasan ang babae ng hindi nalalaman ng nobya niya.Ayaw niyang bigyan ito ng pagkakataon na makapasok sa buhay niya at pagselosan ito ng kan'yang nobya dahil alam n'yang napaka-vulnerable ni Joy at madaling masaktan.Sukat sa naisip ay isang plano ang nabuo sa isip niya.Pakakasalan na niya si Joy. Hindi na muna niya iisipin ang magarbong kasal na gusto niya para dito, ang mahalaga ngayon sa kan'ya ay ang maikasal na sila para tigilan na siya ng mga babaeng umaaligid sa kaniya lalo na ni Jade na kakikilala pa lang sa kan'ya ay napaka-obsessed na at ayaw niya ng ganoong babae na walang pakialam sa dignidad at nararamdaman ng ibang tao makuha lang ang gusto.Oo nga at aaminin niyang maganda at sexy ito pero para sa kanya ay wala itong dating dahil may nagmamay-ari na ng puso niya-- si Joy lang at hindi na magbabago iyon.Ricks POV"Babes, ang aga mo naman yatang nagsundo ngayon? Hindi ba dapat ay mamaya pang 7pm ang out mo?"Nagulat pa si Ricks nang makitang nasa harapan na pala niya ang nobyang si Joy, sa sobrang lalim ng iniisip niya ay hindi man lang niya namalayang nasa harap na pala niya ito.Tiningnan niya ang relong pambisig-- alas singko pa lang ng hapon, hindi niya pwedeng sabihin dito ang totoong nangyari kung bakit maaga siyang nag out sa trabaho kaya naman ay nagdahilan na lang siya dito."Medyo sumama kasi ang pakiramdam ko kanina babes kaya maaga akong nagpa-alam na umuwi sa manager ko." pagdadahilan niya dito.Nakita naman niya ang pagrehistro ng pag-aalala sa magandang mukha nito."Masama pala ang pakiramdam mo babes eh bakit sinundo mo pa ako? Dapat ay nauna ka ng umuwi sa bahay at doon mo na lang ako hinintay." nag-aalalang sabi nito habang sinasalat ang noo niya.Bahagya naman siyang nakonsensiya sa ginawang rason pero mas okay na iyon kaysa magselos pa ito."Okay na ako babes, naki
-- SPG --Pagpasok ni Ricks sa loob ng bahay ay kaagad niyang hinanap ang nobya, nakita niya itong nakahiga sa kama kaya tinabihan niya ito at niyakap ng buong higpit."Akala ko ba ay bibili ka ng snacks babes? Nakabili ka ba?" pagod na tanong nito sa kan'ya."Wala ng bukas na tindahan babes kaya hindi na ako naghanap." sagot niya dito habang dinadampian ng masuyong halik ang ulo nito.Lalo naman itong nagsumiksik mga bisig niya."Babes? Magpakasal na tayo.." maya-maya ay bulong niya dito.Gulat itong napatingala sa kaniya habang nagniningning ang mga mata."Hindi ka naman nagmamadali niyan babes?" nagtatakang tanong nito.Dati kasi ay gustong-gusto muna niyang makaipon at magkaroon sila ng sariling bahay bago magpakasal pero ngayon ay desidido na siyang maikasal sila dahil inaalala niya na baka guluhin pa sila ni Jade-- ang babaeng desperada na makuha siya. Baka kapag nalaman nitong kasal na siya ay tigilan na siya nito at hindi na guluhin pa."Hmm.. hindi naman babes, gusto ko lang
Ricks POV Linggo ng umaga, naghanda si Ricks ng sorpresa para sa nobya niyang si Joy. Ngayon kasi ang araw na magpo-propose siya dito kaya naman ay nag-request siya sa nobya na sabay na silang mag day off. Wala itong kaalam-alam sa binabalak niya at kinontiyaba din niya ang manager ng paborito nilang restaurant para sa gagawin niyang proposal mamaya-- nagpapasalamat siya at napapayag niya ito.Sa totoo lang ay isang simpleng restaurant lang ang paborito nilang puntahan na magkasintahan sa tuwing yayayain niya itong magkipag date at ito ang restaurant na pinuntahan nila ngayon-- may live band din ang restaurant dahil paborito nila ang makinig sa banda.Hindi ito maluho at wala din itong hilig sa mga mamahaling restaurant at pasyalan bagay na nagustuhan niya dito. Ang kasimplehan nito ang lalong minahal niya.Ang tanging alam lang ng nobya niya ngayon ay kakain lang sila kaya hindi na siya makapaghintay na mag propose dito at makamit ang matamis nitong oo.Nakangiti si Ricks habang pin
Samantalang labis ang inggit na nadama ni Jade habang pinapanuod niya ang video ng proposal ni Ricks sa nobya nito. Naroon siya sa loob ng kaniyang opisina nang hindi sinasadyang marinig niya ang ilang empleyado na kinikilig habang pinag-uusapan ang viral na video ngayon sa social media kaya naman na curious siya at pinanuod niya ang nasabing video at ganoon na lang ang galit at inggit na nadama niya para sa babae dahil kitang-kita niya sa mga mata ng mga ito ang labis na pagmamahal sa isat-isa. Bigla ay nawalan siya ng ganang magtrabaho. Ang init ng ulo niya ay naibuntong niya sa mga empleyado. Naisip niyang kung hindi rin naman niya makukuha si Ricks ay pahihirapan na lang niya ang mga ito. At dahil sa napanuod niyang video ay hindi na siya makapag-focus sa trabaho kaya naman tinawag niya ang kaniyang sekretarya para magpa-alam dito pagkatapos niyon ay tinungo niya ang daan palabas ng opisina. Naabutan pa niya ang daddy niya sa elevator habang palabas ito. "And where are you go
Jade's POVNagngingitngit ang kalooban ni Jade kay Joy habang nakatingin dito na masayang nag-aassist ng mga customers, kulang na lang ay patayin niya ito sa mga titig niya.Naroon kasi siya sa Mall na pinapasukan nito. Sinadya niyang pumunta doon dahil mayroon siyang balak gawin dito. Bigla ay napangisi siya sa naisip.Nang makita niyang mag-isa na lang ito sa kinatatayuan nito ay kaagad siyang kumuha ng pinakamamahaling wine at saka niya ito nilapitan. "Hey!" mataray na tawag niya dito.Nakangiti naman itong lumapit sa kaniya."Yes ma'am, ano pong hanap ni'yo?" magiliw na tanong nito.Lalo lang siyang nagngitngit dito dahil kahit pakitaan na niya ito ng katarayan ay nakangiti pa din ito sa kaniya. Bagay na lalong ikinaganda nito at naiinis siya sa isipang iyon."Can you check how much is this?" tanong niya sa babae habang inaabot dito ang bote ng wine pero hindi pa nito nahahawakan ang bote ng wine ay binitawan na niya iyon kaya basag na bumagsak iyon sa paanan nito. Nagulat naman
"Anong nangyari dyan sa kamay mo babes?" takang tanong ni Ricks sa nobya nang sunduin niya ito sa trabaho. Nakita kasi niya na may band aid ang palad mga nito."Ah wala ito babes.." sagot ni Joy habang iniiwas dito ang palad niyang nahiwa ng bubog kanina, medyo mahapdi pa kasi iyon."Eh ano naman iyang nasa paa mo?" nag-aalalang tanong ulit ni Ricks, hindi rin nakaligtas sa paningin niya pati ang mga paa nitong may benda.At dahil hindi na makahanap pa ng idadahilan si Joy ay sinabi na niya sa nobyo ang totoo-- na may isang babaeng customer kanina na parang sinadya siyang bagsakan ng bote sa mga paa."Kanina kasi babes, may customer ako na nagtatanong ng presyo ng wine ang kaso lang noong i-aabot na niya sa akin ang bote ay nabitawan niya kaya iyon nabasag sa paanan ko." paliwanag niya sa nobyo. Nangunot muna ang noo nito bago muling nagsalita."Napakatanga naman pala ng customer na iyon!" sabi nito."Eh kumusta na pala 'yang mga sugat mo? Masakit pa ba babes?" hindi nawawala ang pag-
"Wala ka talagang alam tungkol sa akin dad.." naghihinakit na sabi ni Jade sa daddy niya."Ang alam mo lang ay ang pagpapalago diyan sa lintik na negosyo mo! Ni hindi mo man lang tinanong kung ano ang mga bagay na gusto ko, palagi na lang ang gusto mo ang nasusunod tapos ngayon ay tatanungin mo sa akin kung ano ba ang problema ko? Bakit dad, kapag sinabi ko ba sa'yo ang problema ko ay matutulungan mo ba ako? Maibibigay mo ba sa akin ang kaligayahan na gusto ko?" tanong pa niya dito.Mataman lang na nakatitig sa kaniya ang ama na wari'y natamaan sa mga sinasabi niya."You know I can give you everything hija, lahat ng pangangailangan mo.." sagot ni Don Julio sa anak."Yes dad binibigay mo nga sa akin ang mga bagay na kailangan ko pero hindi ang talagang gusto ko, you don't care about me dad, you only care for yourself and your company!" hindi niya mapigilang isumbat sa daddy niya?Bigla namang natigilan si Don Julio sa mga rebelasyon ng kaniyang anak, napakarami na pala nitong hinanakit
Malapit na ang kasal nila Ricks at Joy kaya naman napakasaya nila habang naghahanda sa nalalapit nilang kasal. Subalit isang umaga ay isang masamang balita ang dumating sa kanila. Sinugod ang nanay ni Ricks sa hospital dahil bigla na lamang daw itong bumagsak mula sa ginagawang pagluluto."Ano Rhiya?! Nasa hospital si inay at isang linggo na?! Bakit hindi ni'yo man lang ipina-alam sa akin?" sunod-sunod na tanong ni Ricks sa kapatid habang kausap ito sa cellphone.Naroon sila ni Joy sa botique dahil nagsusukat ito ng gown na isusuot nito para sa kasal nila sa susunod na linggo nang biglang tumunog ang cellphone niya at pakiramdam niya ay para siyang sinabugan ng bomba sa mga narinig mula sa kapatid. May colon cancer daw ang kaniyang ina at isang linggo na itong nasa hospital. Ayaw nitong ipasabi sa kaniya ang kalagayan nito dahil alam nitong abala sila ni Joy sa pag-aasikaso sa nalalapit nilang kasal pero hindi na nakatiis ang kapatid niya at tinawagan siya dahil wala daw pera ang mga