Kabanata 3: Jade Isavedra

Kinabukasan ay maagang gumayak si Ricks dahil naatasan siya ng manager niya na sumama sa pag-aasikaso sa isang business party ng mayamang negosyante sa Mandaluyong.

Bukod kasi sa isa siyang crew sa restaurant ay kinukuha din sila kapag may'roong nagpapa-food service na mga customer sa kanila para sa mga party gathering's.

Alas cuatro pa lang ng hapon ay nasa venue na sila at naka-prepare na kasama ng iba pang mga crew na kasamahan niya.

Alas sais ginanap ang party at sobrang busy siya sa pag-asikaso ng mga guest's.

Panay ang paroo't-parito niya sa pagdadala ng mga wine sa mga bisita, karamihan ng mga tumatawag sa kaniya ay mga kababaihan at ang iba sa mga ito ay alam niyang nagpapapansin lang sa kan'ya paano ba naman kahit mahirap lamang siya ay mukha siyang mayaman. Makinis ang kaniyang balat, maputi din siya at bukod sa malaki ay maskulado din ang kaniyang pangangatawan dahil bata pa lamang siya ay batak na batak na siya sa trabaho.

Panganay siya sa tatlong magkakapatid at siya lang ang nag-iisang lalaki, ang dalawa n'yang kapatid na babae na sina Rhiya at Reyca ay pareho pang nag-aaral, nasa high school si Reyca na 15 years old at si Rhiya na 18 years old naman nasa kolehiyo na. Mula nang makapagtrabaho siya ay siya na din ang sumusoparta sa mga ito dahil ang mga magulang niya ay parehong may mga edad na at naawa siyang pagtrabahuhin pa ang mga ito kaya siya na ang umako sa responsibilidad ng mga ito.

Pero ang kaniyang ama na si Remi Gregorio ay sadiyang matigas ang ulo dahil kahit na sinusuportahan na niya ang mga ito ay pumapasada pa din ito sa edad na 60 years old.

Sabi nga nito ay ito ang padre de pamilya kaya dapat lang na ito ang magtaguyod sa kanilang pamilya dahil siya ay may sarili na ding pamilya-- ang nobya niya.

High school lang ang natapos niya dahil mahirap lamang sila at sumabay pa na nagkasakit ang kaniyang inang si Rosie Gregorio noon kaya sa batang edad ay napilitan siyang magtrabaho.

Kung hindi nga lamang siya nakasuot ng pang waiter na uniform ngayon ay aakalain ng iba na isa siya sa mga bisita.

Nasa ganoon siyang pag-iisip nang biglang may maka-bangga siyang isang babae at natapunan pa ito ng dala-dala niyang mga wine.

"Oh my God! What did you do?! Don't you know that this is an expensive dress!" tili ng babaeng nabangga niya habang nakatingin ito sa nabasa nitong damit.

Iniiwas niya ang tingin doon dahil nakita niyang bumakat ang dibdib nito ng mabasa iyon at wala itong suot na bra.

"How dare you--"

At nabitin sa ere ang iba pa sana nitong sasabihin nang mapatingin ito sa kan'ya at nakita niyang natulala ito na akala mo ay nakakita ng isang anghel, bigla ding nawala ang katarayan sa mukha nito.

"I'm sorry ma'am, hindi ko po sinasadya.. hindi ko po kasi kayo nakitang dumaan, pasensiya na po talaga." hinging-paumanhin niya dito.

Pero nakatulala pa din ito sa kaniya.

"Ma'am?" tawag niya sa natulalang babae.

Kaagad naman itong natauhan at mabilis na nagsalita.

"It's okay.. ako naman ang may kasalanan, hindi ako tumitingin sa dinaraanan ko." hinging-paumanhin din nito na tila na starstruck sa kaniya.

Napailing na lang si Ricks sa nakitang inasal ng dalaga, ganitong-ganito sa kaniya ang mga kababaihan. Ang iba ay sadyang nagpapapansin lang kaya naman ninais na niyang makaalis sa harapan nito.

"I'm really sorry ma'am." hinging paumanhin ulit niya dito bago nagpa-alam na aalis na.

"Wait!" pigil nito sa kan'ya habang pinupunasan ang damit nitong natapunan ng wine. Wala na din ang katarayan sa boses nito. Parang kanina lang ay galit na galit ito nang matapunan ng wine ang mamahalin nitong gown pero ngayon ay napakahinhin na ng boses nito.

Napabaling naman siya ulit dito subalit iniwasan niyang tingnan ang lantad na lantad na dibdib nito. Maliit lamang ang dibdib nito kumpara sa dibdib ng nobya niyang si Joy na umbok na umbok at tayong-tayo, sukat ng maalala ang nobya ay kaagad siyang nakadama ng init.

Hindi talaga siya nagsasawa sa nobya kahit pa araw-arawin niya ito.

"By the way, i'm Jade Isavedra, and you?" pagpapakilala nito habang inilalahad nito ang palad sa kaniya.

"Ricks Gregorio po." alanganin man ay nakipag-kamay din siya rito.

Hindi kasi niya nakakalimutan ang golden rule ng kanilang restaurant na huwag babastusin ang kanilang mga customer at makitungo ng maayos sa mga ito.

"Nice to meet you.." mapang-akit na inabot nito ang palad niya habang malagkit na nakatitig sa kaniya.

"Can I ask you one more thing? Do you have a girlfriend?" diretcho at walang ligoy na tanong pa nito sa kaniya.

"Yes ma'am, meron na po." walang pag-aalinlangan na sagot niya.

Iyon ang bagay na hindi niya ikinakaila sa lahat ng mga babaeng nagtatanong sa kanya-- ang madalas nga n'yang sinasabi sa mga ito ay may asawa na siya dahil asawa na naman talaga ang turing niya sa kaniyang nobya kahit mag live-in palang sila.

Nakita naman niya ang disappointment sa mukha nito at iyon ang kinuha niyang pagkakataon para tuluyang makapagpaalam dito.

"If you don't have any questions ma'am, I have to go dahil marami pa po akong gagawin." magalang na paalam niya dito bago nagmadaling umalis sa harap nito. Hindi niya kasi matagalan ang malagkit na mga titig nito sa kaniya.

Maganda ang babae para sa kaniya, matagkad ito at sopistikada.

Ang katawan nito ay parang sa isang modelo pero para sa kaniya ay mas maganda pa din at mala-anghel ang nobya niyang si Joy at ito lang ang pinaka-sexy na babae sa paningin niya.

Samantalang ngiting-ngiti naman si Jade habang nakatingin sa papalayong waiter, sobrang kinikilig siya dahil napakaguwapo nito. Na love at first sight na yata siya rito.

Ito pa naman ang mga tipo ng lalaking gustung-gusto niya, cheerful type at chinito kaso lang ay naalala niya ang sinabi nitong may nobya na ito.

Napaka-straight to the point nito, ni hindi man lang nito itinanggi ang tungkol sa bagay na iyon.

Hindi katulad ng ibang lalaki na kapag wala ang girlfriend o kaya ang asawa sa tabi ng mga ito ay nagiging single bigla bagay na nagustuhan niya dito kaya lamang ay mukhang hindi man lang ito na-attract sa kaniya dahil hindi man lang siya nito tinapunan ng tingin at iwas na iwas itong mapatitig sa kaniya.

Sa isip niya ay napakaswerte ng nobya nito dito dahil hindi man lang ito tumitingin sa iba. Siguro ay napaka-loyal nito sa girlfriend nito.

Sukat sa naisip ay nakadama siya ng inggit para sa girlfriend nito. Siguro kung siya ang mapapangasawa nito ay magiging ganoon din ito sa kaniya, kaya isang plano ang nabuo sa kaniyang isip.

Aakitin niya ito hanggang sa makuha niya ito at mapangasawa dahil ito ang lalaking gusto niyang makasama habang buhay.

Maya-maya pa ay hinanap niyang muli ang waiter sa buong venue subalit sa malas ay napag-alaman niyang nakauwi na raw ito kaya tinawagan niya ang restaurant na pinagtatrabahuhan nito at inalam ang mga impormasyong alam ng mga ito tungkol sa lalaki.

Hindi naman siya nabigong kunin ang ibang detalye sa buhay nito dahil isa siyang Isavedra at lahat ng bagay na gusto niya ay nakukuha niya dahil maraming siyang pera.

Ang kaniyang ama ay isang Don na nagmamay-ari ng mga buildings at lupain sa buong Pilipinas.

Napag-alaman niyang 25 years old din ito at panganay ito sa tatlong magkakapatid at bread winner din ito sa pamilya.

At totoo nga'ng may nobya na ito na nagngangalang Joy Fuego-- hindi lang basta nobya kun'di live-in partner na matagal ng kinakasama nito subalit hindi pa kasal ang mga ito at sa kung anong dahilan kung bakit hindi pa din kasal ang mga ito ay hindi niya alam at wala na siyang balak pang alamin dahil one of these days ay alam niyang siya ang pakakasalan nito hindi pa man nito alam ang kaniyang hangarin ay ipinangako na niya sa sarili na makukuha niya ito at pagdating ng araw na iyon ay sisiguraduhin niyang iiwanan nito ang nobya nito.