Kabanata 44: Bastard

SINISTER'S POV:

Nanglaki ang mga mata ko nang damputin ni Tita Trina at Tito Trent ang pregnancy test na tumilapon.

“I-Ibigay niyo sa akin yan.” Akmang aabutin ko ang kit na nasa kamay nito ngunit agad akong pinigilan ni Kuya Troy.

“B-Buntis ka?” ani ni Tita Trina at tila hindi makapaniwala sa nakikitang pula sa hawak niyang kit.

“I-Ibigay niyo sa akin yan, parang awa niyo na—“

Muling dumapo ang palad ni Mommy sa mukha ko at sa pagkakataon na iyon ay tuluyan na akong nabuwal sa kinatatayuan ko at napaluhod ako sa tabi ni Kuya Troy habang hawak nito ang braso ko ngunit pabalibag nito akong binitawan at pakiramdam ko handa silang tapakan ang buo kong pagkatao gayong magkakadugo lang kami bilang Creige.

“Hindi ka na nahiya! Malandi ka! Bukas na bukas ay ipapatawag ko si Mr. Wrights at itututoy ang kasal ninyong dalawa pero siguraduhin mong maaalis ang batang iyan sa sinapupunan mo kung sino ang ama ng punyetang bastardo na iyan.”

Tuluyang gumuho ang