Kabanata 43: Doomed

SINISTER'S POV:

“Bumalik ka rito sa susunod na buwan upang mamonitor natin ang lagay ng baby mo. Here’s my calling card, you can call whenever you want, Sinister,”

“T-Thank you, doc. U-Uuwi na po ako.” Nagpaalam na ako sa kanila at naiwan si Sav sa clinic kaya naman mag-isa akong lumabas ng clinic at naghihintay ng taxi pauwi sa bahay ni Duane.

Napahawak ako sa aking tiyan at pinapakiramdaman ang buhay ng isang bata na nabuo – hindi ako sigurado kung sa isang gabi ng pagkakamali na unang pagsuko ko ng aking sarili kay Duane o noong nasa Egypt kaming dalawa. Siya lang naman ang lalaking inalayan ko ng aking sarili ngunit natatakot ako nab aka hindi niya matanggap ang anak namin.

“Sinister?”

Napalingon ako sa likuran ko at paglingon ko, nakita ko si Trixie kasama ang kakambal nitong si Trisha at meron silang kasamang bodyguard. As usual, buhay prinsesa ang mga ito habang ako ay naghihirap sa kamay ng mismong pamilya ko.