Semua Bab Falling For My Cold Lady Boss: Bab 31 - Bab 34

Natigilan siya sa narinig. May contact pa pala ang mga ito? “S-si Halina ito.”Muli na namang natigilan ito.“I-ikaw pala. P-pwede ko ba siyang makausap?”“Tulog na, e.”“Ganoon ba? Sige. Pasabi na lang bukas na tawagan niya ang Tatay niya. Gusto yata siyang kausapin.”“S-sige, sasabihin ko bukas.”Parang may gusto pa itong sabihin pero nagpaalam na lang din ito.Gusto niya sanang tingnan ang conversation ni Goddy at Pia pero hindi niya mabuksan ang cellphone nito. Call lang ang kaya niyang ma-access.Bumalik si Halina sa silid ni Goddy. Nakatitig lang siya sa binata. Parang gusto niyang gisingin ito sabihin pero ang ganda na ng tulog nito. Sa totoo lang, ilang beses na niyang nakikitang may tumatawag kay Goddy na unkown. Nawala sa isipan niyang itanong rito.Dapat matuwa siya kasi hindi naka-save ang number ni Pia. Pero ang isiping may contact si Pia sa Tatay ni Goddy? Medyo nakakaramdam siya ng selos. Sana, siya rin. Alam niyang dating magkarelasyon ang mga ito kaya normal na may

NAKATALIKOD si Halina kay Goddy nang mahiga siya. Alam niyang nakikiramdam lang ang nobyo sa kanya dahil hindi na rin ito nagsalita nang mahiga sila kanina. Ayaw niyang humarap kay Goddy dahil napahiya siya kanina. Talagang hindi pa siya napapatawad ni Gayle sa nagawa niya. Pero sa sinabi nito kanina, nahihiwagaan siya. Para bang may gusto pa itong sabihin. Kaso dumating si Goddy.Naramdaman niya ang pagyakap at paghalik ni Goddy sa balikat niya, subalit nagkunwari siyang tulog na. Kaya naman nakatulog na ulit ang nobyo.Habang lumalalim ang gabi, hindi pa rin makatulog si Halina. Gusto niyang tanungin si Gayle pero alam niyang hindi papayag si Goddy na mag-usap sila ng kapatid nito. Balak na niyang bumalik sana bukas pero sa sinabi ni Gayle, hindi siya mapakali. Sasabay na lang siya kay Goddy sa pagbalik sa Manila.Pinilit ni Halina na makatulog pero late pa rin siya dinalaw. Sa huling tsek niya sa relo niya, pasado alas kuwatro na.Hinayaan siya ni Goddy na matulog pa. Kahit pasado