All Chapters of EXPLICIT LOVE: THE FORBIDDEN AFFAIR WITH BILLIONAIRE DON : Chapter 21

Pinikit ko ang mga mata ko. Kunwaring inaalala ang nangyari. Huminga ako nang malalim. At nagpanggap akong kalmado. "Sige, pero bago ko sabihin ang lahat Anthony, sagutin mo muna ako, bakit mo ginagawa ang lahat ng ito? Hindi naman tayo magkakilala. Ano ba’ng pakialam mo sa akin? Nagpapasalamat ako dahil tinulungan mo ako. Ako ang dapat na magbalik sayo ng pabor?” Ngumiti siya nang bahagya, pero halata sa kanyang mukha na hindi siya natutuwa sa tanong ko. "Una sa lahat, huwag mo akong tawaging 'Sir.' Ako si Anthony," sabi niya saka niya kinuha ang kamay ko, at hinalikan ang likod nito. Ang dampi ng kanyang labi sa balat ko ay nagpadala ng kilabot sa buong katawan ko. Ang kanyang titig ay mabigat, nakakatakot. Para bang bigla na lang nawala ang hangin sa paligid ko. Nahirapan akong huminga kahit wala pa siyang ginagawa. "Pangalawa, may dahilan ako, at sasabihin ko iyon sa iyo sa tamang oras," dugtong niya, habang dahan-dahang pinikit at muling ibinukas ang kanyang mga mata.