Lahat ng Kabanata ng THE SEX CONTRACT 2: ANNA AND JARED : Kabanata 121 - Kabanata 122

ANNA POV: Ang totoo, gusto ko nang umalis. Magpa-alam sa kanya, pero hindi ko magawa. Nakokonsensya ako. Sasagot sana ako, sasabihin ko ang iniisip ko pero may dalang meryenda si Aling Tinay na biglang bumulaga sa balkonahe. Pansit bihon na maraming atay ng manok at malamig na purong orange juice. Naglaway ako sa yelong naglalaro sa loob ng babasaging pitsel. Pero nang umabot sa pang amoy ko ang aroma ng atay ng manok, biglang nagbago ang lahat sa akin. Bumaliktad ang sikmura ko at kinailangan kong tumakbo sa banyo. Sinundan ako ng tingin ni Aling Tinay, at hinabol naman ako ni Jared. Putlang-putla ako nang matapos kong ilabas lahat ng kaya kong isuka. Hindi sapat na hinahagod niya ang likod ko habang hawak ko ang aking sikmura. Ganito rin ako ilang umaga na. Kanina, nang maamoy ko naman ang sibuyas habang naggigisa si Aling Tinay pero ngayon lang ang pinakamalala. Parang dudugo na ang lalamunan ko sa tindi ng epekto sa akin at tumitibok ang likod ng ulo ko sa sobrang sakit.