All Chapters of His Opposite Intention: Chapter 21 - Chapter 30

Kabanata 21 Beach Kinabukasan ay bumyahe kami papunta sa Valencia Beach Resort. Ayon sa manager niya na si Georgia ay doon gaganapin ang photoshoot ni Chadrick para sa pag-e-endorse ng isang product. Siguro hindi aabot ng isang oras ang naging byahe namin dahil nakarating agad kami. Nang dumating kami sa Resort ay halos kita namin sa malayo ang mga naliligo sa dagat at iyong iba naman ay naglalaro pa ng volleyball. Pumasok kami sa hotel. At ang manager ni Chadrick NA mismo ang nakipag-usap sa receptionist. Pansin ko pa ang mga tao sa loob ay napapatingin sa gawi ni Chadrick. Kahit naka-shades ito at nakasuot lamang ng khaki shorts kasabay ng plain white t-shirt pang-itaas ay agaw pansin pa rin ito. Nang mapansin niyang namukhaan siya ng mga tao sa loob ay ngumiti naman siya at kinawayan pa ang mga ito. “Puwede po bang magpapicture? Idol po kasi kita!” sabi ng isang babae nang makalapit ito kay Chadrick. Napaatras pa ako nang pinipilit niyang tumabi kay Chadrick. “Sure,” rining kon

Kabanata 23 Blood Kumunot ang noo ko nang hindi ko maintindihan ang sinabi niya. "Anong ibig mong-" napahinto lamang ako sa pagsasalita nang marinig ko ang boses ni Chadrick. "Bitiwan mo siya," baling ni Chadrick sa amin. Nasa harapan namin siya ngayon. Tatlong hakbang ang pagitan sa amin. "Umalis ka na rito! Iligtas mo ang sarili mo!" sigaw ko sa kaniya. Pagkakataon niya na ito para makaalis habang nasa akin ang atensyon ng lalaking ito. Kumunot ang noo niya. "Gusto mong umalis ako rito? At iwan ka?" Nagpakawala pa siya ng mga maliliit na tawa. "Oo! Umalis ka na rito!" sigaw ko sa kaniya. Ang kaligtasan niya ang priority ko ngayon. "Ayaw mong iligtas kita sa ugok na iyan?" turo niya sa lalaking nasa likod ko habang hawak pa rin nito ang magkabilang braso ko mula sa likod. "Tang ina! Manahimik kayong dalawa!" Napapikit pa ako ng mariin nang sumigaw nang malakas ang h*******k sa likod ko. "Fine," si Chadrick at mukhang aalis talaga siya. Napalunok ako ng laway nang humakb

Kabanata 25 Missing Napatigil lamang ako sa pag-iisip nang mapansing gumalaw ang isang daliri ni Chadrick. Lumapit ako sa kaniya. "Chadrick… Sir." Dahan-dahan nitong minumulat ang mga mata. Napatingin siya sa gawi ko. Napangiti ako nang makitang gising na rin siya. "Teka, tatawagin ko lang ang doktor." Pahakbang na sana ako ngunit napatigil ako nang maramdaman ko ang kaniyang kamay sa pulsuhan ko. Napabaling ako sa kaniya. "Bakit? Masakit pa rin ba ang sugat mo?" Hindi siya kumibo kaya nagsalita ulit ako. "Nagugutom ka-" "Dito ka lang," napapaos niyang sinabi at dahan-dahan siyang umuupo sa higaan. Nang makitang pumipikit-pikit pa siya at parang nahihirapan umupo ay inalalayan ko na siyang makaupo ng maayos. Sa hindi sinasadya ay nahawakan ko pa tuloy ang sugat niya sa tagiliran kaya rinig ko ang pag-aray niya. "Sorry! Sorry! Hindi ko sinasadya!" Dahil sa pagkataranta ay tinaas ko pa ng bahagya ang kaniyang puting t-shirt sa bandang tagiliran niya para silipin kung dumugo ba

Kabanata 27 Intention Napansin niyang may hawak akong litrato kaya kinuha niya ito sa kamay ko. Narinig ko pang napamura siya nang mabasa ang nakasulat sa likod ng litrato. "Umalis na tayo rito," usal niya sabay hinawakan ang braso ko para itayo ng maayos. Nasa labas na rin kami at hawak niya ang isang kamay ko ngayon. "Pumunta muna tayo sa ospital kailangan kong makausap ang mga magulang ko," madiin kong sinabi sa kaniya. Hindi siya nagsasalita. Nakita ko pang nagpakawala niya ng malalim na hininga bago hinawakan ang magkabilang braso ko. Nang magkaharap kami ay napansin ko ang pagtitig niya sa akin na parang siya pa ang mas nahihirapan sa sitwasyon ko ngayon. Pumikit siya ng mariin bago iminulat ang mga mata. "Aalis tayo.” Nasa loob na rin kami ng sasakyan at sabay binuhay niya ang makina. Hindi na ako makapaghintay makausap si Papa. Ngunit habang nasa byahe kami ay napapansin kong ibang daan ang tinatahak namin. Hindi ito ang daan papunta sa osptial! Tumingin ako sa kaniya.

Kabanata 29 It's Showtime "Kung ayaw niyo akong tulungan. Aalis ako mag-isa." Sisiraduhin ko na sana ang pinto ng sasakyan nang mapansin ko ang pagbuntonghininga ni Bianca. Nagkatinginan pa sila ni Gabriel bago siya bumaling sa akin. "Sasama kami sa'yo." "Tutulungan ka namin," si Gabriel. Gumaan ng bahagya ang pakiramdam ko sa narinig mula sa kanila. Agad ko naman pinaandar ang sasakyan nang pumasok sila sa loob. Nakakasigurado akong papunta si Chadrick sa police station ngayon. Kailangan kong alamin kung ano ang pinaplano nila. Baka mabaliw ako sa kakaisip kung mananatili ako rito. Pagkalipas ng ilang oras sa byahe ay nasa tapat na rin kami ng police station. Tinanggal ko ang seatbelt bago lumabas ng sasakyan. Papasok na sana ako sa loob ng biglang hinawakan ni Bianca ang isang braso ko. "Mia, magagalit ang Papa mo kapag nakita ka niyang nandito ka," madiin ang pagkakasabi niya. Tinanggal ko ang kamay niya sa aking braso. "Alam ko. Kaya hinanda ko na ang sarili ko para rito,"