All Chapters of Lover ko si Bespren: Chapter 111 - Chapter 120

HINDI malaman ni Hannah kung ano nga ba ang dapat niyang maramdaman sa pagkakaharap nilang iyon ni Nicole. Ngunit hindi niya maiwasan ang magtaka nang makita siyang may mga kasama si Nicole. "Kapatid ko, si Mimi at ang boyfriend niya," wika ni Nicole na sa kanya nakatingin. Bahagya lang nitong sinulyapan si Gray pero nasisiguro niyang kung wala lang siya roon ay tititigan nito ng husto si GB. Kaya, nang umingos siya ay nakita pa niya ang pagngisi ng boyfriend ng kapatid ni Nicole na si Mimi. "Alfred," pakilala nito sa sarili. "Mas magandang mag-usap kapag nakaupo," wika ni GB. Magtatagal ba kayo? Gusto sana niyang itanong kung hindi lang niya napigilan ang sarili. Hindi rin naman kasi dapat na lumabas ang mga salitang iyon sa kanyang bibig. Alam niyang magiging bastos siya kapag ginawa niya iyon. "Pinatay ang girlfriend ng Ate Abi ko," diretsahang sabi ni Mimi habang pinaglilipat-lipat ang tingin sa kanila ni Gray.&nbs

HINDI tiyak ni Nicole kung tama ba ang desisyon niya pero minabuti niyang sabihin kina Gray at Hannah ang sinabi ni Blue. Hindi na niya kaya pang traydorin ang mga ito. Isa pa'y hindi rin siya nakasisigurado kung dapat ba niyang pagkatiwalaan ang mga salita ni Blue. Siyempre hindi, mariing sabi ng kanyang utak. Ang masasamang tao ay hindi dapat pagkatiwalaan. Mas malaki pa ang posibilidad na mapahamak ang kanyang kapatid at maging siya. Isa pa'y wala siyang talino at kakayahan na malabanan ang kasamaan ni Blue. Hindi rin niya gugustuhing mapahamak si Hannah kung siya ay magiging pabigla-bigla. Utak kriminal na si Blue kaya't sigurado siyang kapag nakuha na nito si Hannah, hindi niya tiyak kung bubuhayin pa ba silang magkapatid. Kaya, maigi na talagang maghagilap ng tulong sa mga taong mapagkakatiwalaan. At tiyak niyang ang mag-asawang Gray at Hannah ang makakatulong talaga sa kanya. 

KAHIT naman buo na ang kanyang desisyon, hindi pa rin maiwasan ni Hannah na makaramdam ng takot, alam niya kasing hindi rin basta-basta ang Blue na iyon. Gayunman, kailangan niya iyong ipagkaila kay GB. Tiyak kasi niyang magiging desidido lang itong awatin siya sa kanyang gagawin. Siyempre, hindi iyon dapat. “Huwag ka na mag-alala, okay? Kaya ko ang sarili ko,” mayabang niyang sabi saka ngumiti ng sobrang tamis. May pagkakataon talagang kailangan niyang itago kay GB ang tunay na nararamdaman.Marahas na buntunghininga ang pinawalan ni GB bago sinabi ng buong pagkairita ang mga katagang, “Ang tigas talaga ng ulo mo.”“Bakit hindi na lang natin ituloy ang sinimulan ko?” mapanukso niyang tanong. Awtomatikong lumambot ang hitsura ni GB kaya hindi niya napigilan ang mapangiti. Sa tingin niya ay hindi pa nakaka-recover ang pinakamamahal na asawa sa kanyang suhestiyon kaya naman, hindi niya napigilan ang sariling g

NAISIP niyang kahit pala gaano mo pinagnanasaan ang isang tao, darating din ang araw na makakaramdam ka ng pagkauyam sa kanya. Nagagawa niyang sumimangot habang pinagmamasdan niya si Abi. Ibig sabihin, pinagsawaan na niya ito. Humagalpak siya sa kaisipang iyon. Paano ba naman niya ito hindi pagsasawaan kung one to sawa ang pagtikim na ginagawa niya sa katawan nito sa loob ng limang araw. Kaya, kung pagmamasdan niya ito ngayon ay parang tuyot na tuyot na. "Mahal ka ba talaga ng kapatid mo?" Nagdududang tanong niya makaraan ang mahabang sandali. Sabi nga niya kay Nicole ay binigyan niya ito ng ilang araw para makapag-isip ng plano kung paano nito maisasama si Hannah at ngayon nga'y ikalawang araw na buhat ng sabihin niya iyon. "Pawalan mo na kasi ako," mahinang sabi ni Abi. Puno ng pakiusap ang boses. 

MINSAN mang pinagselosan ni Hannah si Nicole, hindi sapat na dahilan iyon para di siya makaramdam ng matinding awa rito. Nanginginig ang buong katawan nito habang nakikipag-usap kay Blue. Hindi man niya narinig ang sinasabi ni Blue, alam niyang may kinalaman iyon sa kapatid nitong si Abi. Kung hindi niya nararamdaman ang yakap ni GB, malamang, napaiyak na rin siya. Kahit wala naman siyang kasalanan, hindi niya mapigilan ang ma-guilty. Alam niya kasingsiya ang dahilan kung bakit iyon nangyari sa kapatid ni Nicole. Pakiramdam tuloy niya'y hindi sapat ang tulong na nagawa niya sa pamilya ni Nicole.Oo nga alam niyang kahit papaano ay magagawa niya itong protektahan lalo pa't nagtalaga sila ng security para sa kanilang compound, pero may kapamilya pa ring napahamak si Nicole. Pakiramdam niya tuloy ay