Art of Destiny LXXXV

MATAMLAY na dumalaw si Jino sa bahay ng kaniyang Lola Zen at Lolo Ron ng gabing iyon. Pagkatapos na maayos at mailagay muli sa ayos ang kompanya ay panatag na umuwi ang binata. Matapos din ang naging pag-uusap niya ng kaniyang daddy Jake ay napanatag na din ang loob ng mga ito sa Palawan lalo na ang kaniyang mommy Arianne. Sobrang nagalala ang kaniyang ina nang mabalitaan ang nangyari sa kompanya maging ang mga naging rebelasyon pagkatapos nang maisiwalat ang lahat ng pagnanakaw ni Jonathan sa Hope at maging ang pagmamanipula nito sa mga trusted accounts ng kompanya.

Maluha-luhang h******n siya ng kaniyang mga agwela nang makita siya. Hindi makapaniwala ang mga ito nang makitang totoong buhay siya at bumalik sa mga ito. Matagal na ang tatlong taon para maisip ng mga ito na maaring patay na siya at hindi na babalik pa kaylanman.

"Sobrang saya namin at hindi ka tuluyang kinuha mula sa amin." Puno ng kagalakang wika ni Lola Zen habang mahigpit pa din siyang yakap. "It's been three yea