Art of Destiny CI

SAKTONG pagpasok nina Jino At Don Edmund sa loob ng dining room ay siya namang litaw ni Naikkah na hindi niya alam kung saan nagmula. Bigla na lamang itong sumulpot sa lugar na iyon, isang bagay sana na ayaw ni Jino na mangyari.

"Oh, Naikkah's here pala." Bulalas ni Edmund na wari pang nagulat. Tinawag nito ang babae na agad napalingon sa kanila. Busy kasi ito sa ginagawang pagsasaayos ng mga kitchen utensils. Paglingon nito ay nakita niyang may hawak itong isang makapal na telang kung hindi siya magkakamali ay siyang ginagamit nitong pamunas ng mga plato, kutsara, tinidor at iba pang mga gamit pangkusina.

"Po?" Nagulat namang sumagot si Naikkah sa tawag na iyon ni Edmund. "Tinawag niyo po ba ako, Don Edmund?" Pangungumpirma ng babae sa pagtawag nito.

Mahigpit na tumango si Don Edmund. Mabilis namang iniwan ni Naikkah ang kaniyang trabaho at lumapit sa kanila.

"Bakit po senyor, may ipag-uutos po ba kayo sa akin?"

"Naku, ito talagang bata ito ay likas na makakalimutin? Hindi ba't sina