Art of Destiny CIII

ATUBILING nasa loob ng kuwarto niya noon si Naikkah. Nakaupo lang siya sa gawing gilid ng kama niya at matamang nag-iisip. Kanina pa siya walang gana kahit umayos ng sarili niya. Sa totoo lang kasi ay wala talaga siyang balak sumama kay Juno. Mabobored lamang siya roon o 'di kaya naman ay maa-out-of-place lang.

Ang isa pang dahilan ay ayaw niyang muli na naman silang magkita ni Jino. Sa tuwing magkikita ksi silang dalawa ay hindi niya maintindihan ang sarili. Kung wala ito sa harap niya ay parang ayos lang naman pero kapag kaharap na niya ito, nagbabago ang lahat sa kaniya.

Ang dating pagmamahal na akala niya para sa lalaki ay naglaho na ay para na lamang biglang bumalik. Parang apoy na saglit na lumamig nang mabuhusan ng tubig pero nang muling magkita silang muli ay parang bumalik ang dating alab.

Nag-aalala siya sa mga lumilipas na araw dahil sa totoo lang ay unti-unti na niyang napapansin ang pag-umbok ng kaniyang tiyan. Tiyak na magtataka si Jino oras na makita siya. Magiging