44

44

"Hi. Jossa, right?"

Mabilis kong binaba ang kutsara at tinidor saka pinunasan ang labi bago ngumiti sa tatlong taong lumapit sa pwesto ko. Kanina ay kasama ko si sir kumain ngunit niyaya siya bigla ng ibang kasama namin sa meeting papunta sa table nila kaya naiwan ako mag-isa. Kumain nalang ako para malibang ang sarli habang hinihintay siya.

"Oo, ako nga. Bakit po?" magalang na tugon ko.

Kanina ko pa kasi pansin na nais nila akong lapitan. Nasa malapit na mesa lamang sila kaya nakikita ko ang mga ginagawa nila bago ako lapitan. Hindi ko man alam ngunit alam kong pinag-uusapan nila kami ni sir kanina habang nasa lamesa palang nila sila. Ano kayang kailangan nila at nilapitan nila ako?

Ngumiti ang babaeng maikli ang buhok. "Pwede ka naming saluhan habang wala pa si Sir Tyson, 'di ba, guys?"

"Yes, yes." Tugon ng dalawa niya pang kasama.

"Kung ayos lang sa iyo?" ani ng may kulay na brown na buhok na babae.

Ngumiti naman ako. "O-okay lang. Upo kayo."

Nagkatitigan sila saka ngumiti bag