Chapter 29: A warning for Yves

“MAALIWALAS ang mukha mo? Huwag mong sabihin na pinatwad mo kaagad ang asawa mo? Sinasabi ko sa'yo, Serena, kokotongan kita kapag nalaman kong nagpauto ka!”

Iyon ang naging bungad ni Hanni noong dumating si Serena sa loob ng opisina. Napalibot muna siya ng tingin at sinigurado na walang taong nakarinig bago siya umupo sa tabi ni Hanni.

“Shh, h'wag ka ngang maingay! Misunderstanding lang pala ang lahat.”

“Paanong misunderstanding, ha? Misunderstanding na may ka-date siyang iba habang ikaw ang asawa n'ya? Teka nga, tawagan mo 'yang asawa mo para makausap ko.”

Umiling agad si Serena.“Teka lang. Ikukwento ko muna ang nangyari. Ano... nagkamali tayo ng hinala. Iyong babaeng nakayakap kay Kevin, pinsan niya pala iyon. Actually, ate ang pagkakasabi niya.”

“Hindi pa kasi alam sa kanila na may asawa na siya kaya pinipilit pa rin siya sa blind date. Para talagang tumigil ang ate niya, sinama niya ang pinsan para tanggihan iyong date niya talaga.”

“Ha? E bakit hindi pa alam sa kanila na kasal n