CHAPTER IV

ROUGJAN AISLINN ALLEJO

"Good morning students, I am Mr. Selca, Social Science professor." Isang lalaki ang pumasok sa loob ng room, mid 30's at may itsura. Panibagong araw sa bagong lugar para sa amin. "Ms. Ocampo announced this morning that the Welcome party will be held tomorrow. Your outfits will be delivered to you tomorrow so be ready." Inilapag niya ang isang libro sa teacher's table saka binuksan ang hologram sa gitna saka nagsimulang magdiscuss.

Matapos ang klase namin ni Aillard kay Mr. Selca ay susunod na ang klase namin kay Mr. Vega sa History and Literature pero laging may five minutes na pagitan ang bawat subject namin kaya naman nagsabi ako kay Aillard na magpupunta muna ako ng CR kaya sinabi niya na iihi rin siya kaya sumabay na siya sa akin.

Pagpasok ko sa CR ay ako lang yata ang tao dahil tahimik. Pagkatapos kong umihi ay lumabas na rin ako sa cubicle pero natigilan ako nang makita ko si Adara.

"Oh, look who's here." Ngumisi siya saka naglakad palapit sa akin, tiningnan ko lang siya. "Ang tapang mo talaga 'no? Tingnan na lang natin kung hanggang saan 'yang tapang mo," aniya saka biglang hinila ang buhok ko mula sa likuran kaya mariin kong hinawakan ang palapulsuhan niya para pigilan ang pagsabunot niya sa buhok ko ngunit habang humihigpit ang kamay ko sa kamay niya ay humihigpit din ang pagsabunot niya sa kamay ko.

"Tigilan mo 'ko," mariin kong sabi sa kaniya pero napamaang ako nang itutok niya ang isang malamig at matulis na bagay sa leeg ko.

"Who are you to command me?" nakangisi niyang sambit saka inilapit pa ang kutsilyo sa leeg ko. "Naiirita ako sa presensiya mo, alam mo ba 'yon?"

"Nayayamot ako sa pagmumukha mo, alam mo rin ba 'yon?" sagot ko rito saka hinigpitan ang paghawak sa kamay niya.

"Let go," mariin niyang sambit habang ramdam ko ang kutsilyong iginuguhit niya sa leeg ko dahilan para tumayo ang balahibo ko.

"Get off your knife, coward," pang-iinis ko rito saka mabilis na hinawakan ang kamay niyang may hawak na kutsilyo para pigilan sa balak nito.

"Kinakalaban mo talaga ako, huh?" Kahit pigilin ko man ang kamay niya ay sadyang mas malakas siya kumpara sa akin kaya naman nagawa niyang mas laliman ang pagguhit ng kutsilyo mula sa leeg ko kaya naman ramdam ko ang pagdaloy ng dugo sa leeg ko.

"Adara." Pag-angat ko ng tingin ay isang lalaki ang nakatayo sa hindi kalayuan.

"Duke Ryker...” Matalas akong tiningnan ni Adara bago inalis ang kamay niya sa pagsabunot sa akin at ang kutsilyo niyang unti-unti nang ibinabaon niya kanina lang.

"Follow me," utos nito.

Sumunod si Adara kay Ryker kaya naman humakbang ako para sumunod.

Habang naglalakad kami sa isang bahagi ng gubat ay pilit kong inaalala kung saan kami papunta. Medyo malayo ang nilakad namin bago kami makarating sa harap ng isang building na may dalawang palapag.

Pagpasok nila sa loob ng pinto ay kaagad akong nagmadaling sumunod habang unti-unting sumisibol ang kaba sa dibdib ko. Isang babae ang naka-upo sa nag-iisang table sa loob ng silid at napamaang pa siya nang makita ako. Dumiretso sila sa second-floor kaya naman umakyat din ako.

Mayroong tatlong lamesa sa loob ng silid, ang sa kanan ay kay Ryker habang ang nasa gitna at kaliwa ay bakante.

"What happened?" Ibinaling ni Ryker ang tingin niya sa akin.

"Duke, siya yung nagsimula nito," litanya ni Adara ngunit tiningnan lang siya ni Ryker.

"Miss, explain to me."

"Hinarang niya ‘ko nang magkita kami sa banyo."

"Liar! Ikaw ang nauna doon pa lang sa Cafeteria kahapon kaya nga pinarusahan kita." Tinapunan ko lang si Adara ng tingin.

"Ops." Napatingin ako sa pinto nang pumasok ang isang babaeng nakabraid ang buhok. Dumiretso siya sa kaliwang bakanteng upuan.

"What punishment suits to you?" diretsong tanong ng ni Ryker kay Adara matapos ilapag ang folder sa lamesa.

"C-Cleaning the Cafeteria," nandidiring saad nito. Ang arte.

"You think so?"

"Y-Yes," sagot ni Adara saka yumuko.

"You are suspended for one week." Kaagad na napaangat ang tingin ni Adara kay Ryker.

"Duke, I don't deserve this," pagmamakaawa niya.

"Think before you act," saad ni Ryker saka tumingin sa babaeng pumasok kanina. "Vanadey, give me the reports." Tumingin sa akin ang babaeng nakabraid saka ngumisi kaya bigla akong kinabahan, para siyang demonyo.

"Come here, ito ang gagawin mo." Iminuwestra niya ang kinauupuan niya kanina kaya tiningnan ko siya bago alanganing lumapit doon.

"Papaupuin mo siya r'yan?!" Bigla akong napatingin kay Vanadey dahil napalakas ang boses niya.

"Can you just shut up?" inis na sambit ni Ryker bago ibalik ang atensyon sa akin. "Take your seat, don't mind her."

Pagkaupo ko sa swivel chair niya ay ini-usog ko na kaagad ang upuan palayo sa kaniya kaya naman bahagya siyang natawa saka lumayo rin. Binuklat niya ang isang folder saka kinuha ang folder na nasa kanang bahagi ng table ng lalaki kanina. "Ayusin mo lang yung mga files up to latest date."

"Ano pa?" tanong ko rito saka kinuha ang papel na iniabot niya.

"You can go back to your class after that," nakangiti niyang saad bago naglakad palayo sa akin at umupo sa couch.

"Tss. Lakas ng loob kalabanin si Adara, akala mo may ibubuga," sambit ni Vanadey na mukhang pilit ipinaparinig ang sinasabi niya sa akin.

"Ang lakas ng loob magsalita, takot nga magsalita sa harap ko," saad ko pabalik. Narinig ko ang pagtawa ni Ryker habang si Vanadey ay masama ang tinging ipinukol sa akin saka tumayo at naglakad palabas.

"Pikon," natatawang saad ni Ryker. "Sa baba muna ako, you look like uncomfortable," saad niya bago lumabas. Mabuti naman at naisipan niya dahil hindi ko alam kung paano sasabihin sa kaniyang lumabas siya.

"Veil University, March Monthly Expenses," pagbabasa ko sa nakasulat sa unahan ng papel. Iniusog ko ang upuan palapit sa table saka sinimulan ang pag-aayos ng mga papel, sa tingin ko ay matatapos ko 'to after 30 minutes dahil medyo makapal ang mga papel.

Ilang sandali ay bumukas ang pinto, si Vanadey ang pumasok. Masama ang tingin niya sa akin saka lumapit sa harapan ng table na kinauupuan ko.

"Gawin mo." Pabagsak niyang inilagay ang isang bunton ng mga papel dahilan para hanginin ang ilang papel sa sahig.

"Damputin mo," sambit ko rito nang tingnan ko siya.

"Sino ka ba?" nakangising niyang saad.

"Oh, sorry, secretary ka nga pala?" tanong ko rito saka iniusog ang bunton ng papel na inilagay niya sa table hanggang sa magkalat iyon sa sahig. "Trabaho mo 'yan, 'di ba?" Ngumisi ako bago tumayo at talikuran siya.

"You don't know me." Napatigil ako nang hilahin niya ang braso ko. Sa peripheral view ay kita ko ang nanggagalaiti niyang itsura kaya bahagya akong tumawa.

"Wala akong interes sa pagkatao mo," seryoso kong sambit dito.

"Oh, let me introduce myself." Ilang saglit lang ay naramdaman ko na ang matalim na bagay na nakatutok sa leeg ko, doon din ang sugat na idinulot ni Adara sa akin kanina. "Tatapusin ko ang bagay na hindi nagawa ng babaeng yon." Pilit kong inilayo ang kamay niya sa leeg ko ngunit unti-unting nanghihina ang katawan ko sa hindi ko malamang dahilan. "I am the great lady fang."