CHAPTER V

ROUGJAN AISLINN ALLEJO

"I am the great lady fang." Ilang saglit lang ay nakarinig kami ng pagkatok mula sa pinto kaya unti-unting tinanggal niya ang pagkakabaon ng kuko niya sa braso ko.

"Subukan mong magsalita tungkol sa akin, luluhod ka mismo sa harapan ko para lang magmakaawa," sambit niya pa bago buksan ang pinto. Napahawak ako sa braso ko kung saan bumaon ang kuko niya, ramdam ko ang pagbigat ng pakiramdam sa banda ro'n.

"Are you done?" tanong ni Ryker na kakapasok lang. "What happened here?"

"Yung babae ang nagkalat. I'm done, thank you." Lalabas na sana ako nang magsalita siya.

"Your name?"

"Aislinn," sagot ko nang lingunin siya.

"You don't need to clean the cafeteria, Adara is suspended."

"Okay," tugon ko bago lumabas.

 Pagbaba ko ay wala akong naabutang tao kaya dire-diretso ako sa paglabas. "Supreme Student Council," basa ko sa nakalagay sa harapan ng pinto.

Sa pagkakatanda ko ay sa kaliwang direksyon mula sa SSC office ang campus building kaya nagdire-diretso lang ako. Mula sa 'di kalayuan ay tanaw ko si Aillard na humahangos at palinga-linga sa paligid.

"Aillard," tawag ko sa pangalan niya saka bahagyang tumakbo palapit sa kaniya. Nakalimutan kong magkasama nga pala kami.

"D*mn. Pinakaba mo 'ko, saan ka ba pumunta? Ayos ka—" Natigilan siya nang makita ang leeg ko. "What the heck. Sinong may gawa sayo?" alala niyang tanong habang sinusuri ng mata niya ang sugat na natamo mo mula kay Vanadey at Adara. Mabuti at naitago ko ang kamay ko sa likuran.

"I'm fine, maliit na sugat lang yan." Kinuha niya ang panyo saka inilagay sa leeg ko.

"Kahit na. Sino bang magawa niyan?"

"Si Adara." Bahagya siyang nagulat nang marinig ang pangalang iyon. "I can handle myself, Ard. Salamat."

"Hindi sa lahat ng pagkakataon ay kaya mo yung sarili mo. Subukan mong lumayo sa gulo, hindi natin alam ang takbo ng buhay rito sa loob," aniya habang nakatingin sa mga mata ko. Nakikita ko ang siya kagaya nang siya five years ago.

"Sorry." Bumuntong hininga siya saka ngumiti.

"Tara na, may klase pa tayo."

Pagdating namin sa room ay kaagad kaming nagmadali ni Aillard sa pagpasok dahil tanaw namin ang isang nakasuot ng plain white barong na uniform ng mga lalaking professor.

"Good morning, class. Get your books."

Nagsimula ang klase namin kay Mr. Vega habang ang braso ko ay patuloy pa rin sa pagbigat na hindi maintindihan. Napamaang na lang ako nang makitang bahagyang nangingitim na ang paligid ng pinagbaunan ng kuko ni Vanadey.

"Rouge, okay ka lang? Ang putla mo," bulong ni Aillard sa tabi ko.

"Ayos lang ako," sagot ko rito habang iniinda ang pagkirot ng braso ko. Hindi naman ganito kalala ang nangyari noong ginawa sa akin ito ni Adara.

Pinalipas ko ang buong klase ng iniinda ang pagkirot sa braso ko dahil panigurado akong magtataka si Aillard kung bakit lalabas na naman ako.

"Rouge." Pagbaba namin papuntang cafeteria ay kaagad na lumapit si Alec sa akin at humawak sa braso ko.

"Ah, pupunta muna ako ng banyo."

"Kagagaling ko lang do'n, hintayin na lang kita sa labas."

"Mauna na kayo sa cafeteria, kaya ko na." Ngumiti lang siya saka tumango habang si Aillard ay tiningnan lang ako.

Pagkarating ko sa C.R ay kaagad kong binasa ang braso ko saka hinugasan iyon ng mild soap.

"Mahapdi," bulong ko saka kumuha ng bandaid sa first aid kit na nasa loob ng banyo.

"Iihi pala ako." Napatingin ako sa pinto nang bumukas ito. "Anong nangyari riyan?" tanong ni Alec.

"Ah, nagasgas lang diyan sa cubicle," sagot ko.

"Lagyan mo kaagad ng alcohol," aniya bago pumasok sa cubicle.

I smiled while looking at my reflection in the mirror. Ganito ba talaga ang totoong kaibigan? Bahagya akong umiling nang pumasok sa isipan ko ang tungkol sa nakaraan ko.

"Ba't ka ngumingiti riyan?" Bahagyang natawa si Alec nang lumabas siya sa cubicle.

"Wala, may naalala lang."

"Ows. Si Aillard? Ayie, ikaw ah." Bahagya niya pang tinusok ang tagiliran ko kaya binigyan ko siya ng isang tinging nagpatigil sa kaniya. "Joke lang, ito naman hindi mabiro."

"Tara na," saad ko sa kaniya saka naunang lumabas.

Pagpasok namin sa cafeteria ay naabutan namin ang mga students na nagkukumpulan.

"Anong nangyayari?" Nagkibit-balikat lang ako sa tanong ni Alec sa halip ay hinanap ko sina Aillard.

"Nandun si Louise," saad ko saka pumunta sa table kung saan din kami kumain kahapon.

"Sina Dieosh?"

"Nasa counter, pero tingnan mo iyan," ani Louise na tinutukoy ang kumpulan. "Bigla na lang nagkaganyan kaya hindi siguro sila makadaan."

Ilang saglit pa ay pabagsak na sumara ang bakal na gate ng cafeteria. Mula sa 'di kalayuan ay nakita ko ang isang matangkad na lalaki, malaki ang katawan, at seryoso ang mukha.

"Tabi," sambit nito hanggang sa magsigilid ang mga students na nakapalibot.

Kaagad na hinila ko palapit si Louise para takpan ang mata niya. Mula sa sahig ng cafeteria ay isang babae ang nakahandusay habang naliligo sa sarili nitong dugo, mulat pa ang mga mata niya habang laslas ang leeg.

"H'wag mo na lang tingnan," sambit ko.

"No one is allowed to step outside of this place," saad ng lalaki habang inililibot ang paningin sa amin.

Ilang sandali lang ay dumating na ang mga Black Knights para takpan ang bangkay na nakahandusay pa rin sa sahig ngunit kinuhanan muna ng mga litrato ang buong paligid bago naglagay ng dilaw ng kordon sa palibot ng bangkay.

"Ang tagal niyo," sabi ni Louise kina Ard nang umupo kami.

"Excuse, may I have your statements about the incident?" saad ng lalaking sumulpot sa likuran ni Louise.

"Kakapasok lang namin dito kaya wala kaming alam," sagot ni Louise. Tiningnan lang ako ng lalaki bago umalis sa pwesto namin.

"Tara, kain na," nakangiting sambit ni Aillard habang naglalagay ng pagkain sa plato ko.

Matapos naming kumain ay natapos na rin ang pag-iimbestiga ng mga Black Knights pero umalis sila ng walang kasamang salarin, ni hindi ko masabi kung nag-imbestiga nga ba talaga sila.