Chapter 16b

Angel

“Are you sure balewala lang sayo kahit mas bata siya sa akin?” ang paulit ulit na tanong ni Salvatore. Nakahiga na kami ngayon sa kama matapos niya akong pasarapin lang sa kanyang paghalik at paglamas pero hindi naman itinuloy.

“Mukha pa rin naman malaki ang agwat ng edad namin kaya parang wala namang pinag-iba sa iyo,” sabi ko.

“Talaga?” seryoso niyang tanong na tinanguan at nginitian ko.

“Aray!” bulalas ko sabay hawak sa aking noo dahil pinitik niya ako doon.

“Para mo na ring sinabi na matanda na nga ako.” Napatingin ako sa kanya, iniisip kaya niya ang agwat ng edad namin or talaga lang conscious siya tungkol doon?

“Kahit naman malaki ang agwat ng edad natin ay hindi ka pa rin naman mukhang 40.”

“What?” gulat na sabi niya kaya naman ngumiti at tumango ako. Ngunit pinitik niya lang ako ulit sa noo. “Hindi talaga ako magmumukhang 40 dahil hindi pa naman ako kwarenta!”

“Eh ilang taon ka na ba kasi?” tanong ko naman habang himas himas ko na ulit ang noo ko. Masakit kaya ang pitik n