Chapter 22 #Sagupaan

Napamulat ako ng may marinig akong ugong ng sasakyan. Bumalikwas ako ng bangon para silipin kung saan galing ang sasakyan.

Sumilip ako sa maliit na siwang ng pinto ng bintana, may nakita akong mini jeep at lulan ang mga armadong kalalakihan. Medyo nakikita ko sila dahil may kunting liwanag na sa labas pero hindi ko maaninag ang mukha nila. Sa tingin ko alas kuwatro na ng umaga.

"Oh, bakit ngayon lang kayo, akala ko patay na kayo eh." Narinig kong salubong ng pinakaboss sa kanila.

"Pinuntahan pa kasi namin si Senator Wem."

"Kumusta napatay niyo ba?" Tanong ulit nito.

May hindi na akong magandang kutob sa pag-uusap ng mga barakong iyon.

"'Yan din ang dahilan boss kung bakit kami natagalan. Hindi namin nakitang patay siya dahil nahulog sila sa bangin…"

"Sila?"

Nilapat ko ang tainga ko sa pintuan ng marinig ko ang pagpasok nila. Gusto kong pakinggan ng mabuti ang pinag-uusapan nila.

"May kasama siyang babae boss, magaling makipagbarilan. Ang totoo niyan maraming tao natin a