Family he lost

Third Person's POV:

Tinungo ni Zane 'yung address na binigay sa kanya ni Zach, dahan-dahan siyang nagdra-drive kasi natutulog sa tabi niya si Tobi.

"How can he sleep soundly when he's with a stranger?", tanong ni Zane sa sarili sabay ninakawan ng tingin ang anak.

Nang malapit na makarating sa destinasyon na pupuntahan niya ay parang nakita niya ang kotse ni Zach na palabas sa village kung saan siya ngayon, hindi siya sigurado pero 'yung nakita niya ay isa sa mga kotse ng kapatid niya.

Napatingin siya sa labas habang nagmamaneho, he's trying to find out kung saan banda 'yung bahay ni Bleu nang mahagilap ng mga mata niya ang istraktura ng isang babae at lalaki na may kasamang batang babae na papasok sa isang gate ng medyo kalakihang bahay.

Zane has no idea who the guy is pero he's very sure na si Bleu 'yung babae.

Hininto niya 'yung kotse niya sa harap ng gate na 'yun at mukhang napansin 'yun ng babae at lalaki kanina kaya napahinto ito sa paglalakad at napalingon sa sasakyan niya.