Horrible

Third Person's POV:

Pinarada ni Bleu ang kotse niya sa harap ng gate ng bahay nila.

Napatingin siya sa labas ng saglit saka nilingon ang dalawang anak sa backseat.

"Antayin niyo ako dito sa loob ng kotse, okay? Kukuha lang ako ng payong sa loob ng bahay."

Umuulan kasi ng malakas at ayaw niyang patakbuhin ang mga anak papasok sa loob lalo na't medyo may distansya ang gate sa pintuan ng bahay nila, kagagaling niya lang sunduin ang mga anak sa paaralan nito.

"Laine, watch over Tobi, hmmm?", paalala niya sa nakakatanda na anak.

"But Mom, you'll get wet.", sagot naman ni Laine sa kanya.

Nginitian ni Bleu ang anak.

"Kesa kayo 'yung mabasa? It's okay darling. Labas na ako, stay here."

Napatango nalang ang nakakatandang anak habang si Tobi ay aliw na aliw na nakatingin sa labas kasi mahilig ito sa ulan.

Hinubad ni Bleu ang suot na coat kasi ayaw niya mabasa 'yun, lalo na't mahal ang bili niya sa coat na 'yun.

Nakuha naman agad ng atensyon ni Laine ang isang kotse na nakaparada sa kata