CHAPTER 5

"MISS AREVALO?"

Napalingon siya nang muling tawagin ng Vice Director ang pangalan niya. Katatapos palang ng meeting at magsisimula na dapat siya sa trabaho.

"Pakisamahan naman si Doc Cuevas sa kaniyang office. He'll be using the office of Doc Samaniego. Besides, ikaw naman ang dating assistant, mas ikaw ang nakakaalam ng mga iniwang trabaho ni Doc," anito. "Remember, you're late. Again."

Ngumiti siya saka naglakad. "This way, Doc," presenta niya sa daraanan.

Nakapamulsa itong naglakad. Napatingin siya sa sapatos nito habang sila'y naglalakad. Napakatahimik nito at para bang hindi umaabot sa sahig ang mga apak.

Siya na ang nagbukas ng pinto. "This will be your office, Doc." Ipinakita niya ang ilan sa mga mahahalagang dokumentong nandoon. Pati na rin ang ibang mga gamit.

"If you need anything, let me know. Huwag lang po gabi dahil wala akong shift kapag ganoong oras," aniya.

"Why?"

Tipid ito magsalita at may matipunong boses na kahit sinong lalaki ay papangaraping magkaroon niyon.

Ngumisi siya. "Sabihin na lang nating strict ang lived in partner ko," mahinang wika niya.

"You have a partner? I mean, okay. Yeah, sure. I'll call you when I need something," parang wala sa sariling naibulalas.

"Just kidding. Anemic kasi ako kaya bawal ako magpuyat."

Ngumiti siya bago lumabas sa pinto upang simulan ang trabaho sa araw na iyon.

NAKALUKIPKIP SI ASHLEY habang pinapanood ang laban sa gitna ng ring.

"Nice one Elijah," puri ng isa sa kasamahan nila sa lalaking nanalo sa sparring na nangyari.

Humihingal itong tumayo habang tumutulo ang pawis nito sa matikas na muscles sa braso. Hunk ito at kadalasang pinagpapantasyahan ng mga kasamang huntress. Maliban sa kanya na kaibigan lang ang tingin sa lalaki. Kadalasan nga, kapatid na ang tingin niya dito dahil kung bantayan siya nito ay parang ang lola lang niya noon. Istrikto.

Gabi na pero maliwanag pa rin kung saan sila ngayon.

Nandoon sila sa isang lihim na facility sa ilalim ng lupa kung saan nagtitipon ang mga tulad niya. Sa pagsapit ng gabi ay ito ang buhay nila. Ang pagiging hunters o huntress.

Sila ay ilan lamang sa nakakaalam ng sikreto ng lugar. May mga iba pang nilalang silang kasama at nakakahalubilo. At iyon ang kanilang tinutugis.

Sa pasilidad na iyon sila nagpupulong at nagsasanay. Nandoon din ang mga armas na kanilang ginagamit. Kompleto sila sa lahat ng pwedeng gamiting panlaban. Mula sa baril na may balang silver bullets, mga bomba, daggers, at iba pang mga gamit na halos lahat ay gawa sa silvers.

Naging huntress siya dahil kay Oliver. He was already a hunter when she met her. He was twenty-one back then.

Isa ito sa mga mahusay na hunters sa kanila. Bata pa lang kasi ay nasanay na ito. Pagdating sa sparring ay lagi itong panalo.

"Why don't you try beating him?" nakapamaywang na tanong ng trainer ng mga huntress, habang nakatingin sa direksiyon niya.

Lumuwag ang pagkakahalukipkip niya at tumingin sa paligid kung sino ba ang kinakausap nito.

"Ash. Ikaw. Labanan mo ang pinakamahusay nilang hunter," anito.

"What?"

"Ano?"

Sabay sila ni Oliver na nagsalita sa gulat.

"Subukan lang natin. Huwag kang magpapatalo Oliver. Hindi porke babae siya," paalala ng trainer ng mga hunters bago lumabas ng ring.

Siya naman ay nagtanggal ng jacket at iniwan ang sandong bitin. Kita ang pusod niyang may hikaw, dahil mababa din ang jogging pants na suot.

"Please, don't hurt my pride. Lumaban ka ng patas," aniya saka iniangat ang kamay upang humanda sa magiging laban.

Siya ang unang sumugod pero hinila lang ang kanyang kamay at ipinaikot iyon sa kanyang likod. Ginamit niya ang mga paa upang i-angat ang sarili at makawala dito. Mabilis ang kanyang naging paggalaw at itinaas ang dalawang paa na ipinulupot sa baywang nito. Umikot siya upang mapatumba ang lalaki.

Ngayon ay nakahiga na ang lalaki samantalang nakapatong siya dito. Humihingal sila at nagkatitigan.

Ang lalaki ang nag-alis sa kanya sa pagkakapatong.

"This is childish and unfair," he murmurs as he went outside the ring.

Hindi na din siya umimik. Hindi lang siya gusto ng lalaki dahil lagi siya nitong binabantayan. Iyon kasi ang utos sa lalaki mula sa head ng kanilang samahan. Iyon ang tingin niyang dahilan kung bakit ganoon na lang ang pakikitungo nito sa kanya.

She is somehow a special case.

Tumunog ang phone ng ilan sa kanila, pati na rin ang sa kanya. Isa itong mensahe galing sa isa sa head ng samahan. Isang misyon ang ipinadala sa kanila.

Agad naman silang naghanda upang lumusob at maghanap ng mga nilalang.

She zipped her overall black leather suit and tightly tied the lace of her boots. Isinuot niya ang itim na maskara at kumuha ng patalim at dalawang baril.

Iisang motorsiklo lang ang ginamit nila ni Oliver na kasama din sa misyon. Ang iba ay gumamit din ng ibang sasakyan.

Sa tapat ng isang club sila huminto. Hindi nga lang sa harap kundi sa likod. Doon sila dadaan.

Madilim at maingay ang loob na tanging ilaw lang ng disco ball lang liwanag. Naghalo ang amoy ng usok ng sigarilyo at nakalalasing na inumin sa hangin. Madaming mga tao ang nagkakasiyahan. Pero alam nilang hindi tao lahat ng nandoon.

Hahakbang na sana siya para hanapin ang nakaatas sa kanyang target niya, nang hawakan ni Oliver ang kanyang kamay.

Napatingin siya dito. Nakamaskara man, kita niya ang sinseridad ng mga mata nito.

"Mag-ingat ka," anito.

Tumango siya bago nagtungo sa gitna ng sayawan upang maghanap ng isang nilalang.

Agad naman niyang nahanapan ang kanyang target. Pumasok ito sa loob ng CR. Sinundan niya ito hanggang doon kahit pa pinagtitinginan na siya ng mga kalalakihang nandoon din sa loob na umiihi.

Halata ang gulat ng lalaking target niya nang siya ay makita. Nginitian niya ito pero tumakbo lang ito. Mabilis niya itong hinabol at ipinulupot sa kamay nito ang isang mahabang silver na tali upang hindi na ito makatakas pa.

Napahiga ang lalaki at napadaing. Para itong nasusunog. Humakbang siya upang lapitan ito.

Hinugot niya ang baril sa kanyang baywang at itinutok iyon sa lalaki. Pati ang mga lalaki sa loob ay huminto sa pag-ihi at takot na lumabas nang makita ang hawak niya.

"Don't try to run away from me, you vampire," nakangising banta niya sa lalaking naglabas na ng pangil.