Kabanata 14

KABANATA 14: 'Ang Tulong'

Umuwi akong wala sa aking sarili. Pinipilit kong intindihin ang mga salitang sinasabi niya, ngunit kahit na isa ay wala akong mahanap na kasagutan. Anong ibig niyang sabihin? Bakit ngayon hindi ko maintindihan na kung anong nangyayari? May kung anong kakaiba? Pero, iyon ang mahirap kasi wala akong nalalaman. Ang hirap manghula ng mga mangyayari.

Ngunit sa pagkakataon na lamang na ganito mas gusto ko na lang talaga hilingin na sana mas maging mabilis na lang ang mga bagay iyong hindi kana mahihirapan. Iyong sa pagpikit mo ngayong oras na ito, alam mo na kung ano na ang manyayari. Ngunit sa kasawiang palad, hindi mo talaga pwedeng makuha ang isang bagay ng mabilisan.

"Bakit parang ang tagal mo namang kinuha ang mga gamit ko?" takang tanong ng bagong kasama ko rito sa bahay. Kasalanan ko bang mas masaya kasama ang Mommy niya kaysa sa kanya.

"Alam mo kung makapal lang ang mukha ko, iisipin kong hinahanap-hanap mo ako." Sarkastikong sabi ko. Pero, ano pa nga bang