Chapter 30

Isang linggo na ang nakalilipas, pero sa bawat araw na 'yon ay palaging nasisira ang araw ni Jewel dahil sa taong ayaw na ayaw niyang makita. 

Madalas niyang dalawin ang matalik na kaibigan na si Calleigh pero hindi siya makatagal sa bahay nito dahil nando'n din palagi si Thunder na labis niyang ikinaiinis. Hindi niya alam kung nagkakataon lang ba o nananadya talaga ang binata.

At kapag naman nagkikita sila para pag usapan ang tungkol sa catering ng kasal nila ay hindi sila matapos tapos dahil walang ginawa ang dalawa kung hindi maglambingan sa harap niya, sa totoo lang gusto niya ng icancel ang pagcacater ng restaurant niya sa kasal ng dalawa pero ayaw niya naman na maging unprofessional na tao dahil makakaapekto ito sa kanyang restaurant.

At ngayong araw na ito ay kasama niya ang kanyang mga magulang sa kanilang kompanya, may importante kasi silang pag uusapan. Samantalang ang kanyang anak naman ay kasama ng kanyang nanny sa mall kung saan malapit lang