Kabanata 14.1

Maaga pa lamang ay gumayak na si Monique. Kagabi pa lang ay nagpaalam na siya sa anak niya at sa mga magulang niya. Isinakay na ni Anthony ang ilang bag na dala ni Monique. Hinarap naman na muna ni Monique ang anak niya na napilitan pang gumising ng maaga.

“Si Tito Anthony na muna ang katabi mong matulog sa kwarto natin okay? Tatlong araw lang naman akong mawawala. Mag-aral kang mabuti.” Aniya sa anak niya. Tumango naman si Brylle saka niyakap ang ina.

“Take care Mom,” paos pa niyang saad sa ina dahil bagong gising pa. Tumayo na si Monique at nginitian ang anak bago siya sumakay sa kotse. Mabilis lang naman ang tatlong araw.

Inihatid na ni Brian si Monique sa daungan, ilang oras din ang byinahe nila patungo dun. Tahimik lang naman si Monique. Mas mabuti na rin sigurong pumayag siya na bisitahin ang Rancho para naman hindi masyadong magduda sa kaniya ang mga De Chavez sa pananatili niya sa loob ng opisina.

Pagkalipas ng ilang oras ay nakarating na rin sila sa daungan. Ibinaba n