Chapter 109 - Hearts Are Breaking

Halos magiba ang kalawanging gate nang itulak ito nang malakas ni Abby, hindi nito maipasok-pasok ang susi sa kandado dahil sa nagpupuyos nitong galit sa kanya.

“Ako na’ng magbubukas,” anas nya. Inilahad nya ang kamay para ibigay sa kanya ang susi ng kandado pero imbis na sa kamay nya ilapag ang susi ay inilaglag ito ni Abby sa sahig.

“Abby, please…hear me out, I can explain everything,” pakiusap nya kay Abby, sinundan nya ito ng lakad hanggang sa kwarto.

“Hindi ako kumikibo kapag pinagti-trip-an mo ‘ko sa harap ng mga nakakausap mo eh. Kasi ayaw kitang napapahiya. Pero iyong sinabi mong buntis ako sa harap ng pamilya mo—parang hindi naman ‘yon biro, Joaquín! Nasobrahan ka sa kakabiro mo! Pinahiya mo ‘ko!” nag-unahan na ang mga luha ni Abby sa kanyang mga pisngi habang marahas na hinahalungkat ang kanyang damitan.

“It’s just a few weeks, Abby. Hangga’t naririto lang si Mamá! Nakapag-acting ka nga kanina na buntis ka sa harap ni Jessica, gano’n lang! Hindi naman lalaki ang tiyan mo n