Kabanata 86 Revelation

Naglalaro sila ni Eli sa kwarto nito. Tinawag siya ng kasambahay. May bisita daw. Dumating na siguro si Ivan. Pagbaba niya ay natanaw niya si Noah na kausap ang mommy niya. At ano ang sadya nito.

“Hello, Maddie.”

“Oh, bakit ka nandito? May problema ba?” Kasunod pala niya ang anak at tumakbo palapit sa ama.

“Yehey! Dito ka po ba matutulog daddy? Bati na po kayo?”

Kinarga ni Noah ang anak. Bakit parang naiiyak siya sa tagpong iyon? Bakas sa mukha ng mga ito ang kaligayahan na hindi nabibili ng salapi. That moment was priceless. And it her choice if she wanted to see it every day.

“Dumaan lang ako saglit, Eli. Para kumustahin ka at ang mommy mo.”

“Okay naman po kami. Daddy, dito ka na lang tumira, please.” Pinupog ng halik ni Noah ang anak. Napahagikgik ang bata.

Wala pang ilang minuto ay natanaw niya si Ivan, nagsabi ito na dadalaw sa kanya. Ilang beses na niya itong tinatanggihan kaya nahiya na siya at pumayag ng makipagkita ngayon.

“Magandang gabi po,” magalang na bati ni Ivan. May da