Kabanata 93 Owner

Hindi niya inaasahan ang bisita sa opisina kinabukasan na si Edgardo Natividad, ang daddy ni Noah na umagaw ng kumpanya dito. Napag-alaman niya na nalulong na ito sa sugal at madaming tinatakasang utang.

Pormal ang kanyang anyo. “Ano po ang maipaglilingkod ko sa inyo?” Hindi niya makakalimutan ang ginawa nito sa kanya at kay Noah. Hindi siya makapaniwalang may ama na magagawang saktan ang sariling anak kapalit ng pera.

“Hindi na ako magpapaligoy ligoy pa. Patay na ang anak ko mahigit isang taon na at magsisi man ako sa ginawa ko ay huli na ang lahat. Ibebenta ko ang Natividad Hotel Group at ikaw ang una kong naisip na alukin.”

“Palugi na ang negosyo ninyo mula ng hinawakan ninyo. I guess wala talagang nagtatagumpay kapag sa masama galing. Totoo ang karma para sa masasamang tao.”

“Hindi ako nagpunta dito para sa pangaral mo. At hindi ako tinatablan ng mga sinasabi mo. Pera ang kailangan ko ngayon. Ikaw ang inalok kong una para sa alaala ng yumaong anak ko. Kung ayaw mo naman ay iaalok