Kabanata 89 Hope

Pumasok siya sa loob ng opisina ng lalaking kamukha ni Noah upang maglinis ng sahig. Malaki ang loob ng private office ng binata. Last year lang nagsimula ang hotel business ng mga Ruiz at mabilis itong napalago ng may-ari.

Unti-unti siyang lumalapit sa lalaki na nakatutok sa laptop.

“Noah, ako 'to, si Maddie,” bulong niya. Napapitlag ang lalaki.

“Muntik na akong atakehin sa puso. Ano na naman ang ginagawa mo dito? Kapag hindi mo pa ako tinigilan, ipapapulis na kita.”

“Makinig ka muna sa akin. Tignan mo ang lalaki sa larawan. Kamukha mo hindi ba?” Kinuha niya ang cellphone at ipinakita ang larawan ni Noah at Eli.

“Stalker ka ba? Tumigil ka na.” Ni hindi nito tinignan ang cellphone niya.

“Posibleng may amnesia ka kaya hindi mo ako naaalala ng makaligtas ka sa sunog. Ang sabi ng mga pulis ay wala ng natira kahit abo mo. Hindi ko nakita ang bangkay mo.”

Wala kahit anong emosyon sa mukha ng binata. Hindi ito naniniwala sa mga sinasabi niya.

“Parang awa mo na. Noah, nang nawala ka para na