Chapter 44 (Part 1)

Samantha

"Grabe ang gwapo talaga ni Sir John! Akalain mo 'yon, swenerte ako ng bonggang-bongga. Nakadalawa kaming sayaw na love song! Kung hindi lang umipal ang mga bruhang Monique na 'yon para magperform ng another dance number hindi sana natapos ang moment ko." paulit-ulit na kinikilig pang sabi ni Bea habang naglalakad kami palabas ng Stadium.

Halos ayaw na nitong pakawalan pa si Wayne kanina ng bumalik sila sa table namin matapos ang dalawang tugtog na love songs. Muling nagperform ang WSU Dance Troupe sa stage, dahil na rin sa demand ng mga tao kaya nag-aalburuto itong isa. Tapos ang luko tuwang-tuwa din na niyayakap s'ya. Nakangisi pa s'ya habang nakatingin sa akin at nilalamutak ni Bea.

Pagkatapos ng sayaw ng WSU Dance Troupe, unti-unti ring naubos ang mga tao. Tinanaw ko kung nasaan na si Wayne ngunit hindi ko na s'ya nakita pa pati si Stacey. Naglahong parang bula sa kinauupuan nila. Nagkibit-balikat na lang ako at kaagad nag-send ng message kay Kuya Damian