Chapter 43 (Part 1)

Samantha

Pagkatapos ng tugtog hinatid ako ni Wayne sa table namin. Mapanuring mga titig at ngisi ng mga kaibigan ko ang sumalubong sa akin. Kompleto sila. Nakaupo lahat sa upuan sa may table namin, mga nakatayo naman sa tabi ng bawat kaibigan ko ang mga kaibigan ni Luigi. Lahat sila nakatingin din sa akin.

Nakakaasiwa ang mga titig nila. Nanunuot sa buong kalamnan ko, na para bang may tinatago akong sekreto tungkol sa amin ni Wayne. Which is totoo naman talaga na meron. Bukod tangi lang si Luigi ang walang expression ang mukha at tahimik lang habang nkatingin saaming dalawa.

Uupo na sana ako sa nag-iisang bakanteng upuan na nasa tabi ni Luigi ng biglang huminto ang spotlight sa table namin, literal saamin ni Wayne na hawak na ang kamay ko. Kaagad akong natigilan, niyuko ko ang mga kamay namin na magkahugpong saka ako nag-angat ng tingin sa kanya.

Ganun na lamang ang gulat ko ng mabilis n'ya akong hinalikan sa aking pisngi sabay layas sa harapan ko kasama ng spo