DEAL

“SO, HOW’S THE NEW BOSS?" nakangising tanong ni Karl kay Roman.

Kasalukuyan silang naroon sa isang kilalang club na nasa kahabaan ng Quezon Avenue. Pag-aari iyon ng isa pa nilang kaibigan na si Rokko.

Nagkibit ng kanyang balikat si Roman. “Ayos naman." tipid na sagot niya sa kaibigan bago dinala sa mga labi ang hawak na baso na may lamang scotch.

Umangat ang malalagong kilay ni Karl dahil sa tipid na sagot ni Roman. “Ayos lang?" hindi kumbinsidong untag niya sakaharap. “Wala man lang bang kakaibang nangyari? Something interesting, you know." umiikot ang mga mata na hirit niya bago inisang tungga ang alak na nasa hawak na baso.

Sandaling kumunot ang noo ni Roman habang nag-iisip. Something interesting, huh…

Unti-unting sumilay ang nakakalokong ngisi mula sa magkabilang sulok ng mga labi ni Roman. Isang partikular na eksena ang pumasok sa kanyang isipan.

Muling umangat ang kilay ni Karl nang makita ang kakaibang reaction ni Roman.

“Hmm, spill it out, man. Maganda ba? Seksi?" bakas sa tinig ang excitement na tanong ni Karl.

Kabisado na ni Karl ang klase ng ngisi ng kaibigan. Simula kasi nang maghiwalay ito at si Celestte apat na taon na ang nakakaraan ay malaki na ang ipinagbago ng ugali ni Roman. Naging mapaglaro ito sa mga babae at hindi na rin pumasok sa seryosong relasyon. kapag nararamdaman nitong unti-unti nang nagiging attached dito ang babae ay mabilis pa sa alas-kuwatro na tumatakbo palayo si Roman.

Hindi kaagad sumagot si oman. Tahimik na nilaro niya ng hinlalaki ang bibig ng basong hawak. Naglalaro sa kanyang isipan ang iritableng mga tingin sa kanya ni Bryanne pati na rin ang mga matatalim nitong irap. Kung nakakamatay lang siguro ang irap, marahil ay bumulagta na siya sa elevator pa lang.

“Siraulo ka, pare, ngisi ka nang ngisi riyan. Maganda ba?" muling tanong ni Karl kay Roman nang wala siyang makuhang sagot mula rito.

Maganda ba? Sandaling napa-isip si Roman. Oo, maganda si Bryanne. Ito ang klase ng babae na habang tinititigan ay mas lalong gumaganda. The same reason why he can’t take his eyes away from her the first time he meets her.

Hindi naman katangkaran si Bryanne. 5’4” maharil ang taas nito na bumagay lang din sa balingkinitang katawan.

“Kung pagbabasehan ko ang pang-manyak mong ngisi ay parang maganda nga at seksi." komento ni Karl habang naiiling na pinagmamasdan ang kaibigan.

“Maganda pero tigre, pare." naiiling na sabi ni Roman bago tuluyang inubos ang laman ng hawak na baso.

Mula sa pagkakasandal sa malambot na chester feild chair ay dumukwang si Roman. Dinampot niya ang bote ng alak sa maliit na mesang gawa sa makapal na salamin. Sinalinan niya ang kanyang baso pati na rin ang kay Karl.

Isang malutong na tawa ang pinakawalan ni Karl nang marinig ang sinabi ni Roman.

“Bakit, pare, nananakmal ba?" nanunuksong tanong ni Karl.

Naglalaro sa kanyang mga labi ang nakakalokong ngisi. Alam niya kasing hindi sanay si Roman na nasusungitan ng mga babae.

“Parang kidlat ang mga mata, pare," naiiling na sabi ni Roman. “gumuguhit kung makatingin, eh." dugtong pa niya bago sumilay sa mga labi ang ngisi.

“Hard-to-get, huh." sabi ni Karl.

"Let me see kung hanggang saan ang pagiging tigre niya.” turan ni Roman. Bakas sa kanyang tinig ang tila nahamong tono.

“Sige, ipupusta ko ‘yong inaawitan mong lupa sa Palawan kapag nakuha mong mapaamo ‘yang tigresa mo sa loob ng isang buwan.”

Sabay na napatingin sina Roman at Karl sa pinanggalingan ng tinig.

“Are you sure?" naninigurong tanong ni Roman.

"U-huh.” Basta kapag natalo ka, ikaw ang sasagot sa reception ng kasal ko."

Kaagad na umasim ang mukha ni Roman dahil sa kanyang narinig. “Tangina mo, Rokko, sana sinabi mo na lang na magpapa-sponsor ka sa akin ng kasal mo. Idinaan mo pa ako sa pustahan. Umiral na naman ‘yang pagkamandurugas mo.” pasinghal na sabi niya sa kaibigan na sinagot lang siya ng tawa.

Matagal nang inaawitan ni Roman kay Rokko ang lupa nito sa Palawan. Hindi iyon kalakihan pero maganda ang puwesto. Balak niyang patayuan ng rest house.

“Ano, deal?" tumatawa pa ring sabi ni Rokko bago umupo sa upuang katapat ng inuupuan ni Karl.

“Fuck you, man…”

“COME ON, BRY,  have a life, girl." naka-irap na sabi ni Kamia sa kaibigan habang pareho silang abala sa paghahanap ng isusuot na swimsuit para sa pool party ng isa nitong kakilala.

“Wag ka nga’ng OA, Kam, I’m living my life naman, ah." ani ni Bryanne habang sinisipat ang hawak na one-piece swimsuit. “ang problema kasi ay walang kasama si Silas noong nakaraang nagyaya ka." dugtong niya bago ibinaba ang hawak. 

Sa tulong ni Tiya Lolita ay nakahanap na si Bryanne ng makakasama sa bahay kaya naman malakas ang loob niyang pumayag nang ayain siya ni Kamia na sumama rito sa isang pool party. 

As much as possible ay gusto ni Bryanne na maging balanse ang buhay niya. Iyong tipong kahit abala siya sa pagiging ina ni Silas at pagta-trabaho ay nagagawa pa rin niyang lumabas kasama ang mga kaibigan niya. 

Sa paglipas ng apat na taon ay malaki ang ipinagbago ni Bryanne. Kung dati ay iilan lamang ang kaibigan niya, ngayon ay nadagdagan na ang bilang. Ayaw niyang ikulong ang sarili niya sa kalungkutan dahil namimiss niya ang kanyang pamilya. Hindi pa siya handang humarap sa mga ito at mas lalong hindi pa siya handang ipaalam sa mga ito ang tungkol kay Silas. 

Well, mas tamang sabihin na hindi niya alam kung paano at ano ang sasabihin sa kanyang pamilya sakaling makita ng mga ito si Silas. 

Hindi pa ngayon pero alam naman ni Bryanne na hindi niya matatakbuhan ang katotohanan habang-buhay. At kailangan niya iyong mapaghandaan. 

“Hello, earth to Bryanne. Bryanne to earth." naka-angat ang kilay na tawag ni Kamia sa atensiyon ng kaibigan. 

“Ha? May sinasabi ka ba?" natitigilang untag ni Bryanne. 

Umismid si Kamia. " You are spacing out, girl.” aniya sa kaibigan. " What’s bugging you ba?” tanong pa niya.

Nagkibit ng balikat si Bryanne. “Nothing. May bigla lang akong naalala.” sagot niya. " Anyways, I’ll get this one.” turan niya na itinaas ang hawak na two-piece swimsuit. Kulay asul iyon at medyo conservative ang tabas pero alam niyang babagay iyon sa kanya. 

Tiningnan ni Kamia ang hawak na swimsuit ni Bryanne. “Hay naku, hindi ko alam kung bakit ang unfair ni Lord. Noong nagsabog siya ng alindog, tabo ang dala at drum naman ang sa’yo. Kaloka…” nakanguso na reklamo ni Kamia.

May kabilugan kasi ang katawan ni Kamia pero may korte naman.

“Bakit, maganda naman ang katawan mo, ah." ani ni Bryanne 

Umismid si Kamia. "I’m sexy and I know it…" aniya sabay wasiwas ng may kahabaang buhok. 

Natawa naman si Bryanne. “Siraulo ka talaga." aniya sa kaibigan.