CEO

SAMANTALA, kanina pa nakakunot ang noo ni Roman habang paikot-ikot niyang nilalaro sa kanyang mga daliri ang hawak na parker pen. Hindi kasi mawala sa kanyang isipan ang maliit na babaeng nakasabay nilang dalawa ng kanyang Uncle Marco sa elevator kanina. For the first time in the history his entire life ay mayroong babaeng nagkalakas ng loob na irapan siya nang harap-harapan.

And damn yes but he found her so cute lalo na nang ngumuso ito.

Napapikit si Roman nang malinaw na pumasok sa kanyang isipan ang anyo ng babae. Maliit na mukha na binagayan ng katamtamang tangos ng ilong. Bilugang mga mata na tenernohan ng may kahabaang pilikmata at nakakurbang kilay. Manipis ang pang-itaas na labi samantalang bahagya namang mapintog ang pang-ibaba.

Wala sa loob na binasa niya ng dila ang kanyang mga labi. Nanuyo din bigla ang kanyang lalamunan.

Shit!

“Roman, it’s time."

Napadilat si Roman at sandaling ipinilig ang kanyang ulo nang marinig ang boses ng kanyang Uncle. Isang malalim na buntong-hininga ang kanyang pinakawalan bago binitawan ang hawak na ballpen.

“Alright, Uncle." aniya habang sa loob ay hindi mapigilan ang excitement na nararamdaman ngunit pinilit niyang ikalma ang sarili. Ayaw niyang makahalata ang kanyang Uncle Marco.

Damn, he’s acting weird!

Malakas ang kanyang kutob na muli niyang makikita ang babaeng nakasabay niya sa elevator kanina kung pagbabasehan niya ang suot nitong damit.

SA LOOB NG MALAWAK na conference room ay tahimik lamang nakaupo si Bryanne habang nasa likuran naman niya ang si Katrina.

“Sa palagay mo, panyero, makakasundo kaya natin ang bagong CEO?" tanong ni Mr. Abaya sa katabi nito. Si Mr. Abaya ang head ng finance department ng A&C Corp..

“Malalaman natin mamaya, panyero." sagot naman ni Mr. Enriquez, ang head ng Marketing Department. Ito rin ang boss ni Bryanne.

Magsasalita pa sana si Mr. Abaya nang biglang bumukas ang pinto ng conference room. Mula roon ay magkasunod na bumungad ang dalawang lalaki. Ang VP ng kompanya na si Mr. Agoncillo at si Roman.

At dahil nakatuon ang atensiyon ni Bryanne sa hawak na tablet ay hindi niya napansin kung sino ang dalawang pumasok.

Samantala, kaagad namang umikot nang pasimple ang paningin ni Roman sa loob ng conference room. At nang mamataan niya ang pamilyar na mukha ng babaeng nakaupo sa bandang tabi ng bintana ay isang patagong ngiti ang sumilay sa magkabilang sulok ng kanyang mga labi.

“Good morning everyone…” bati ni Mr. Agoncillo sa lahat na siyang kumuha sa atensiyon ni Bryanne.

Nag-angat siya ng paningin ngunit kaagad ding natigilan nang magtama ang mga mata nila ng lalaking katabi ng VP.

‘My god, don’t tell me, ito ang bagong CEO ng kompanya…’ piping dasal ni Bryanne.

Pormal na pormal ang anyo ng lalaki ngunit hindi alam ni Bryanne kung guni-guni lamang ba niya pero bakit parang nangingiti ito habang nakatingin sa gawi niya?

Ipinilig niya ang kanyang ulo. Kung ano-ano ang iniisip niya. Ang dapat niyang isipin ngayon ay kung may trabaho pa ba siya bukas pagkatapos niyang irap-irapan ang lalaki kanina.

“Kamusta kayong lahat?" tanong ni Mr. Agoncillo sa lahat ng naroon sa loob ng conference room.

“Good, Mr. Agoncillo." halos iisang sagot ng lahat.

Tumango-tango si Mr. Agoncillo na nakatayo sa kanang bahagi ng mesa, katabi ng upuan ng CEO. Seryoso naman ang anyo ni Roman na natayo sa tapat ng upuang nakalaan para sa CEO ng kompanya.

Napakagat-labi si Bryanne. Kapag nga naman minamalas pero hindi naman siguro ito ganoon ka-unreasonable para basta na lang siyang tatanggalin sa trabaho, hindi ba?

Wala sa loob na napatango-tango si Bryanne, bagay na hindi naman nakatakas sa mapanuring mga mata ni Roman na kanina pa palihim na nakamasid sa babae.

“You, Miss—”

At dahil wala sa lalaki ang pansin ni Bryanne ay hindi kaagad siya nakasunod sa ibig nitong sabihin.

“Ah, Miss Bryanne Coronel, Sir." mabilis na turan ni Katrina bago mahinang kinalabit si Bryanne na kanina pa niya napapansing tila wala sa sarili.

Umangat ang kilay ni Roman. Are you Miss Coronel?” kunot ang noo na tanong niya sa sekretara na kaagad namang natameme. “Don’t you have your own tongue, Miss Coronel?" baling niya sa babae na bahagya pang nilangkapan ng sarkasmo ang tinig.

A kagaya ng kanyang inaasahan ay kaagad na umasim ang anyo ng babae ngunit kaagad din itong nakabawi.

“I’m so sorry, Mr—” sandaling napatigil si Bryanne. Hindi nga pala niya alam kung ano ang pangalan ng magaling na lalaki.

Pasimpleng bumulong si Katrina. “Mr. Roman Contreras." aniya kay Bryanne.

" Mr. Contreras.” dugtong ni Andrea na lihim na napangiwi.

Ano ba ang nangyayari sa kanya? Bakit ba niya hinahayaan niya ang lalaking ito na sirain ang araw niya?

Tumango-tango si Roman. “Like I said, pinaka-ayaw ko sa lahat ‘yong hindi maayos magtrabaho," patuloy niya sa kanyang sinasabi habang ang mga mata ay lantarang nakatutok kay Bryanne. “And lastly, always pay attention to what I’m saying para magkaroon tayo ng maayos na samahan diro sa kompanya. Am I right, Miss Coronel?” untag niya sa babae.

Lihim na nagpuyos ang loob ni Bryanne pero sumagot pa rin siya nang maayos.

“But of course, Sir!" may diin ang tinig at tabingi ang ngiti na aniya sa lalaki.

Umangat ang kilay ni Romanl pagkuwa’y tumango-tango. Ibinaling niya ang paningin sa head ng finance department.

“Mr. Abaya, please send me a summarized copy of the company’s financial record for the last ten years.” aniya rito bago dumako ang mga mata sa katabi nito. “And so do you, Mr. Enriquez. Gusto kong makita kung ano ang mga naging marketing strategies natin nitong mga nakaraang sampong taon.” sabi niya rito.

Nagkatinginan ang dalawang departments bago sabay ding napatango.

“Right away, Mr. Contreras." sagot ni Mr. Abaya.

"Consider it done, Mr. Contreras.”