Chapter 71

NAPABITAW ako sa kaniya at bahagya siyang itinulak.

"K-Kasal agad?"

"Oo." Hinawakan niya pa ang baba ko at iniangat ang aking mukha. "O, bakit parang nawala ang tapang mo?"

Napalunok ako at akmang mag-iiba ng tingin pero pinihit niya ang ulo ko.

"Ano? And what did you say again? Ang hirap kong...?"

Napapikit ako. Nakakahiya. Ano ba'ng pumasok sa kukote ko at nasabi ko iyon? Anlandi kasi!

"Yes!" malakas na sigaw ko habang nakapikit pa rin. Bahala na. Ang gusto ko lang ay ang matapos ang awkward moment na ito.

"Yes?"

"Yes, I will marry you. 'Di ba nagtatanong ka?"

Matagal bago siya nakapagsalita kaya nagmulat na ako.

"Sigurado ka?" Seryoso pa rin pala siyang nakatingin sa akin.

Tumango ako. "O-Oo." 'Di ba't siya nga dapat ang tinatanong ko? Ang bilis ng desisyon niya. Wala pa kaming label pero kasal agad? Kanina niya lang ako tinawag na girlfriend.

Pero ako kasi gusto ko siya. Alam ko 'yon sa sarili ko. Ilang gabi na ba akong hindi nakakatulog kakaisip sa kaniya? Kakapantasya kung an