Chapter 66

NAGMAMADALI akong naglakad papasok. Balak ko sanang dumeretso agad sa table ko. Agang-aga parang matsi-tsismis na naman ako.

"Luka, sino 'yon?" Nangunguna pa sa pagtatanong si Ma'am Alice na matandang dalaga pa rin. As usual, ang pinaka-ususera.

"Wala 'yon." Dumeretso lang ako ng lakad. Ngunit sinundan pa rin ako kasama ang mga alperes niya.

"Asus! Ikaw talaga! Kunwari ka pa!"

"Monday na Monday, chismis agad ang inaatupag n'yo!"

Naupo agad ako sa desk ko at inilabas agad ang laptop ko. Kunwari bisi-bisihan ako.

"So 'yon na ba ang bagong kapalit ni Sir France? Ayiehh! Habulin ka talaga ng guwapo!" si Ma'am Mildred.

"Che! Nagtanong lang ng dereksyon 'yong tao eh." Pinandilatan ko pa ng mata.

"Ayan. Hindi tuloy nakagawa ng lesson plan si Sandy, kakaisip 'yan kay new suitor." Nangingintab pa ang mga mata ni Ma'am Annie.

Alam nila. Alam nilang wala na kami ni France. Pero hindi ko sinabi ang tunay na kuwento. Ang sabi ko lang, hindi ako tanggap ng magulang. Mukha namang kinagat nila ang