Kabanata 65 Bakit Kailangan Mo Siyang Pakasalan

Tinignan ni Evan si Draco, pero nanatili siyang tahimik.

Alam na alam ni Draco na mainitin ang ulo ni Evan, kaya kinontrol niya ang galit niya,

“Evan, sabihin mo sa akin kung anong klaseng babae ang kumumbinsi sa iyo na maengage ka sa loob ng maikling panahon?” tanong ni Draco.

Malamig siyang tinignan ni Evan. “Nakalimutan mo na ba kung anong nangyari sa akin noong walong taong gulang pa lang ako?”

Nanigas ang ekspresyon nina Adam at Draco.

Nagtanong si Draco, “Nahanap mo na ba ang babaeng nagligtas sa iyo noon?”

Seryosong sumagot si Evan, “Oo.”

Walang masabi si Draco. Alam ng lahat na matagal ng hinahanap ni Evan ang babaeng iyon. Nagpapasalamat siya na iniligtas ng babaeng iyon si Evan, pero naniniwala siya na dapat ang magiging manugang niya ay dapat kapareho ng estado ng pamilya nila.

Sinabi ni Draco, “Sapagkat nakita mo na siya, puwede mo naman siyang bigyan ng bahay at pera. Hindi mo kailangan na pakasalan siya.”

Ngumisi si Evan. “Sa tingin mo ba makakaupo ako ng ganito dito kung