Chapter 11

Buong akala ni Phoebe, makakatakas na siya kahit paano sa putik na kinasadlakan noon, pero pinaglalaruan ata talaga siya ng tadhana dahil sa scandal na pinag-uusapan ngayon sa school nila.

“Uy Phoebe, tagal mo sa banyo ah. Chichismis ka lang sa GC natin nag-banyo ka pa talaga.” Puna ni Angelie pagkabalik niya.

“A-Ano kase, masakit tyan ko. K-Kaya nakibasa muna ako sa GC natin.” Umupo siya at kinuha ang ipo-proofread na article.

“Buti naman makakalabas na bukas ni kuya Prince. Kelangan mo ba ng tulong ko?”

“Ah sige okay lang. Para makapag-pahinga din yung caregiver ni kuya.”

“San ka nga pala nakakuha pambayad sa ospital at sa caregiver?” usisa ni Angelie.

“M-may nag sponsor lang from a charity na nilapitan ko. Tapos yung sa caregiver ni kuya, ti-tinulungan ako ng tito naming sa abroad.” Pagsisinungaling nya habang naglalagay ng comment sa mga text na dapat ayusin.

“Talaga? Buti naman naisipan kayong tulungan ng kamag-anak nyo na kumakkam ng insurance ng magulang nyo.” Ismid ni Angelie.