Chapter Fifty-Four(PART FOUR OF PART FIVE)

Sunod-sunod na tumango ang babae sa kaniyang harapan kaya agad niya itong nabitawan at inilayo ang icepick na hawak niya. “G-Grabe! Ngayon lang ako natakot ng ganon sa tanang buhay ko!” napatingin siya sa babaeng nagpapakilalang Karina ng muli itong nagsalita. Hawak nito ang kaniyang leeg at tinitignan kung ayos lang iyon, nabaling ang mata nito sa kaniya. “Ilang taon ka lang nawala gumaling ka na sa pakikipaglaban, mukang magaling ang ginawang pagtuturo sayo ni Hoven.” Mas lalo siyang nabigla sa sinabi nito at hindi na niya napigilan na hawakan ito sa braso.

“Sino ka.” Madiin ngunit kalmado niyang sabi na may halong pagbabanta. Kita niya muli ang pagkagulat sa mata ng babae at pilit na inaalis ang kamay niyang nakahawak dito. “Ano ba ako nga sabi si Karina!” sigaw nitong sabi ngunit hindi siya naniniwala. “Patunayan mo.” Malamig niyang muling sabi dito. “Oo na! Bitawan mo lang ako masakit.” Pinagbigyan niya ang babae at binitawan. Napahawak ito sa braso niya at itinutok niya naman a