Kabanata 07

Gusto niyang matawa ng pagak. Still arrogant despite knowing she already handed over her resignation letter? 

O wala ganoon na ba talaga ito kawalang pakialam sa kaniya na kahit ipinasa na ni Calix ang resignation niya ay hindi man lang nito natandaan iyon?

Pero kahit pa hindi nangyari ang insidenteng ito, aalis na naman talaga siya oras na may makahanap nang papalit sa kanyang posisyon.

What's the point of correcting him? Wala ngang pakialam sa kaniya ang lalaki.

Wala ring saysay ang anumang magiging paliwanag at pagtatanggol niya sa kaniyang sarili.

Kaya tahimik na lang niyang hinawakan ang tray at tuluyang umalis.

Bago siya lumabas ng silid, narinig pa niyang malumanay na inaalo ni Wendy si Sebastian.

"Sige na, Seb, hindi ko naman iniisip na sinadya niya iyon. Don't be mad anymore..."

Trixie just inwardly sighed.

Sa pantry, itinapon ni Trixie ang natitirang kape, saka hinugasan ang napasong daliri sa ilalim ng gripo. Kinuha niya ang ointment mula sa kanyang bag at tila sanay na sanay itong ipinahid sa sarili.

Ngayon, marunong na siyang magluto at gumawa ng kape. Pero bago pa siya ikinasal kay Sebastian, ni hindi siya marunong sa gawaing bahay dahil hindi siya lumaking inaasikaso ang sarili. Lagi kasing nandiyan ang mahal na mahal niyang Lola. Spoiled din siya dito dahil sila ang mas madalas na magkasama sa bahay. 

So, marrying Sebastian took a 360 degrees turn on her life. Dahil matapos niyang mapangasawa si Sebastian, dahil dito, at para sa kanilang anak, natutunan niya ang lahat ng gawaing bahay.

Naglaan siya ng maraming oras at pagsisikap. Mula sa mga palpak na subok hanggang sa perpektong resulta.

Siya lang ang nakakaalam kung gaano kahirap ang pinagdaanan niya. Maging sa ina ay hindi niya ipinapaalam ang kaniyang mga karanasan dahil natatakot siya sa magiging epekto nito sa ginang.

At ang ointment sa kanyang bag? Kaya lang naman siya prepared at palaging mayroon noon ay dahil isa siyang ina na maalaga sa anak. Hindi niya ito inaalis sa bag dahil malikot na bata si Xyza, palagi itong may gasgas mula sa paglalaro noon kaya nasanay na siya.

Pero mula nang umalis sina Xyza at Sebastian papuntang US, bihira na niyang nagamit ang mga gamot na dala-dala niya.

Mabuti na lang at hindi pa ito expired.

Matapos gamutin ang sarili, pinigilan ni Trixie ang sakit na para bang tinutusok ang kanyang puso. Bumalik siya sa kanyang mesa at ipinagpatuloy ang trabaho, mariing inaalis ang eksenang kanina lang ay nasaksihan niya sa opisina ng asawa. 

She can't falter now. Her only goal is to resign and live a new life. Far from her family. 

Far from heartaches.

Habang inaayos niya ang mga papeles, bigla niyang narinig ang bulungan ng mga kasamahan.

"Narinig mo na ba ang chismis? Dumalaw daw ngayon sa kumpanya natin ang girlfriend ni Mr. Valderama!"

"Girlfriend? May girlfriend na si Mr. Valderama? Sino naman? Mayaman ba? Maganda ba?!"

"Hindi ko alam ang background niya, pero sabi sa front desk, galing din daw iyon sa mayamang pamilya. Sobrang ganda daw, at may eleganteng aura! Sabi pa nila, bagay na bagay daw yung dalawa nung magkatabi!"

Masiglang nag-uusap ang dalawa, pero nang makita nilang tumayo si Trixie ay bigla silang natahimik. Naalala nilang may meeting sila kasama si Trixie, kaya dali-dali silang lumapit sa kanina pa tahimik na babae.

"Let's go. Trabaho muna, mamaya na ‘yang chismis."

Alam na alam ni Trixie na ang tinutukoy nilang girlfriend ni Mr. Valderama ay walang iba kundi si Wendy.

Pero wala siyang ipinakitang reaksyon. Tahimik siyang naglakad palabas ng opisina at sumabay sa dalawa na mahinang nagkukukwentuhan pa rin kahit nang papunta sa elevator. Hinayaan na lang niya ito.

Mas nakakagana raw kasing mag-trabaho kapag may kasamang chimisan, ayon sa ilan.

Paglabas nila sa lift, patungo na sana sila sa meeting room nang makita nilang makakasalubong nila si Wendy Bolivar kasama ang apat na senior executives ng kumpanya.

Napapalibutan si Wendy ng apat na kilalang executives, at bakas sa kanilang mga mukha ang pagiging maingat, masunurin, at tila ba inaalalayan pa ang babae nang todo. Kulang na lang ay maglatag ng red carpet ang mga ito sa nilalakaran ni Wendy.

Mga s****p.

Hindi iyon maiwasang maisip ni Trixie dahil sa nakikitang special treatment mula sa mga ito.

Ngumiti si Wendy. "Nakakahiya naman, baka napapagod na kayo sa paglibot ko dito sa kumpanya?"

Kapansin-pansin ang suot ni Wendy na unang tingin ay alam mong branded lahat. At ang bawat kilos pa niya ay mahinhin at akala mo'y isang babasaging kristal. 

But Trixie knows that these are all part of her façade. 

This woman is certainly a wolf on a sheep's clothing.

Magalang ang tono nito sa mga executives, pero para bang kung ituring niya ang kaniyang sarili ay siya na ang may-ari ng kumpanya. 

Pansin ni Trixie na ang paggalang nito ay may halong distansya, tila ba itinuturing ni Wendy na mga tauhan lang niya ang mga executives.

Napangiti nang pilit ang isa sa mga executives sa napuna ni Wendy. 

"Dahil sa relasyon mo kay Mr. Valderama, trabaho lang naman namin ang samahan ka. Napakagalang mo naman, Miss Bolivar."

"Yes, he's right, " dagdag pa ng isang executive.

Habang nag-uusap sila, napansin nilang makakasalubong nila papunta sa elevator ang grupo nina Trixie. Kahit hindi naman nakaharang sina Trixie, kusang lumayo pa rin ang mga ito para bigyan sila ng daan. Pero agad na sumimangot ang isa sa mga executive.

"Ano ba naman 'yan! Hindi niyo ba tinitingnan ang dinadaanan niyo? Paano kung nabangga niyo si Miss Bolivar? Wala ba kayong modo?!"

Ang dalawang kasamahan ni Trixie ay napaatras ng dalawang hakbang at halos dumikit na sa pader habang pasimpleng sinisilip si Wendy.

Nakita rin ni Wendy si Trixie.

Ngunit agad siyang umiwas ng tingin, halatang hindi siya pinapansin para ipakita ang pagkakalayo ng estado nila ngayon. 

Hindi na sumagot ang sinuman kina Trixie kaya matapos makalampas sa mga ito, pumasok na sila sa elevator habang napapalibutan ng mga executive managers si Wendy.

Nang tuluyang magsara ang pinto ng elevator, huminga nang maluwag ang dalawang kasamahan ni Trixie at muling nagsimulang magchismisan.

"Siya na siguro ang girlfriend ni Mr. Valderama, ‘no? Grabe, ang ganda niya pala talaga! Puro mamahaling brand pa ang suot. Ang mahal siguro ng mga 'yon, ano? Talagang mayaman siguro ang pamilya niya! Ang elegante niya rin tingnan kaya ang lakas ng dating. Feeling ko pa kanina habang sinisilip ko siya, parang ibang-iba siya sa ating mga ordinaryong tao!"

"Ang dami mong side comment pero tama ka. Oo nga, nakakatakot siguro mapunta sa bad side nun!"

Habang nag-uusap ang dalawa, bigla silang napatingin kay Trixie at maingat na nagtanong, "Trixie, anong masasabi mo tungkol sa girlfriend ni Sir Seb?"

Ibinaling ni Trixie ang tingin sa sahig at mahina niyang sinabi, "Agree ako sa lahat ng sinabi niyo."

Si Wendy ay anak sa labas ng kanyang ama.

O marahil, hindi na tama ang tawaging anak sa labas si Wendy. 

Parang mas angkop pa ngang itawag sa kaniya ang bansag na iyon kahit siya ang unang anak ng ama.

Dahil noong walong taong gulang pa lamang siya, pinilit ng kanyang ama na makipag-divorce sa kanyang ina upang pakasalan ang ina ni Wendy.

Ginawa niya ito para raw hindi maramdaman nina Wendy ang kawalan ng ama at hindi sila mamuhay sa anino ng kahihiyan.

Her life is completely a laughing stock, but she manage to moved on and live her own life. Dahil ito sa mga taong patuloy na umaagapay sa kaniya.

Matapos ang hiwalayan, tumira siya kasama ang kanyang lola at tiyuhin, kasama rin niya ang kanyang inang nagkaroon ng sakit sa pag-iisip dahil sa ginawa ng kaniyang ama noon. 

Lumipas ang mga taon, unti-unting bumagsak ang negosyo ng kanyang tiyuhin, samantalang patuloy namang umunlad ang negosyo ng pamilya Bolivar.

Sinasabi na upang mapunan ang mga pagkukulang sa pagkabata ni Wendy, walang alinlangang ginugol ng kanyang ama ang lahat ng oras, atensiyon at kayamanan upang mabigyan ito ng pinakamagandang buhay. 

Walang katapusang yaman ang ginastos ng tatay niya para sa pag-aaral ni Wendy at paghubog dito.

At hindi naman nabigo si Wendy sa inaasahan ng lahat, naging magaling ito sa napiling larangan at nahing kahanga-hanga siya.

Ngayon, ang dating anak sa labas na si Wendy ay opisyal nang legitimate na anak ng isang kilalang negosyante.

Sa loob ng mahigit sampung taon bilang isang mayamang dalaga, mas nagkaroon pa siya ng ugaling pang-mayaman kaysa sa tunay na anak.

Akala ni Trixie, matapos ang kanilang pagkabata, hindi na muling magtatagpo ang landas nila ni Wendy.

Ngunit tila paborito si Wendy ng tadhana. Noong nagsabog ng swerte sa mundo, nakuha lahat iyon ni Wendy.

Lumaki silang magkasama ni Sebastian, that's why they grew close together. She is living her content life noong sila na ni Tres, which is what he usually call him back then, at nagpa-plano na nga sa future. 

Ngunit isang buwan bago sila ikasal ni Tres, bigla na lang sumulpot sa mga buhay nila si Wendy at nagpresenta na kuhanin daw siyang bridesmaid sa kasal.

It was a harmelss request kaya naman para hindi na umabot sa pangingialam ng ama kapag hindi nakuha ang gusto ng paboritong anak, pumayag na lang si Trixie sa gusto nito.

"Trixie, ayos ka lang ba?"

Nang mapansin ng dalawa niyang kasamahan na namumutla ang kasamahang si Trixie, agad silang nag-alala.

Nagising si Trixie mula sa kanyang malalim na pag-iisip at agad na ngumiti nang bahagya sa concern niyang mga ka-trabaho. 

"Yeah. Ayos lang ako."

Malapit na silang mag-divorce ni Sebastian.

Kahit sino pa ang mahalin nito, wala na siyang pakialam roon.

At pinanindigan niya nga kaniyang bagong pangako sa sarili. Nang sumunod na oras ng araw na iyon, hindi na niya inisip pa sina Sebastian at Wendy.

Nag-overtime siya hanggang halos alas-nuwebe ng gabi. 

Habang tinatapos ang huling gawain, biglang tumunog ang kanyang cellphone, tumatawag ang matalik niyang kaibigang si Racey Andrada.

Out of her friends sa circle nila nina Charina noon, kay Racey na lang siya may constant communication hanggang ngayon.

Pagkasagot niya sa tawag, nalaman niyang nakainom nang sobra si Racey at kailangan niyang puntahan ito sa hotel upang ihatid pauwi.

Mabilis niyang inayos ang natitirang dokumento, kinuha ang susi ng sasakyan, at umalis na ng kumpanya.

Makalipas ang dalawampung minuto, nakarating siya sa sinabi nitong hotel and restaurant.

Pagkababa ng sasakyan, didiretso na sana siya sa pintuan nang biglang may lumabas na isang batang babae mula sa parking lot sa kabilang panig.

Napatigil siya sa paghakbang nang makilala kung sino ito.

Is her eyes playing tricks with her?

Bakit nakikita ng dalawa niyang mata si Xyza Kollin? Ang anak niya na dapat ay nasa America ngayon.